Last updated on July 1st, 2024 at 04:00 pm
ಉಬಾರ್ ಜುಲೈ 01 : ಕರೆಂಟ್ ಶಾರ್ಟ್ ಸರ್ಕ್ಯೂಟ್‌ಗ್ ಇಲ್ಲೊಂಜಿ ಭಾಗಶಃ ಪೊತ್ತುದು ಸೂಕರಿಯಾತಿನ ನಡಕೆ ಕಡಬ ತಾಲೂಕ್ ಕೊಯಿಲ ಗ್ರಾಮೊದ ಕೆಮ್ಮಾರ ಪನ್ಪಿನವುಲು ಐತಾರ ನಡತ್‌ದ್ಂಡ್. ಇಲ್ಲದಕುಲು ಪ್ರಾಣಾಪಾಯದಾಂತೆ ಬಚಾವಾತೆರ್.
ಕೆಮ್ಮಾರ ಶಾಲೆದಲ್ಪ ಇಪ್ಪುನ ದಿ.ಇಬ್ರಾಹಿಂ ಪನ್ಪಿನಾರೆನ ಮಗೆ ಅಬ್ದುಲ್ ರಹಿಮಾನ್ ಮೆರೆನ ಇಲ್ಲಡ್ ಈ ಅವಘಡ ನಡತ್‌ದ್ಂಡ್. ಇಲ್ಲದ ಮಾಸ್ಟರ್ ಬೆಡ್ ರೂಂನಲ್ಲಿ ಸೂ ತೋಜಿದ್ ಬತ್ತಿತ್ತ್‌ದ್, ಇಲ್ವದುಲಯಿ ಪಗರ್ದ್ಂಡ್. ಇಲ್ಲದುಲಯಿ ಇತ್ತಿನ ಕಪಾಟ್, ಮಂಚ, ಕಂಡಿ, ಬಾಕಿಲ್, ಫ್ರಿಜ್, ವಾಷಿಂಗ್ ಮೆಷಿನ್, ಕುಂಟುಲು, ಗೃಹೋಪಯೋಗಿ ಸೊತಾತುಲು, ಅಟಿಲ್-ತೆನಸ್-ಸಾಂಬರ ಸೊತ್ತುಲು ಅಲಕ್ಕ ಪೊತ್ತುದು ಪೋತ. ಸೂತ ಬೆಪ್ಪುಗು 2 ಕಡೆಟಾ ಗೋಡೆ ಪುಡದ್ಂಡ್. ಬೆಂಕಿ ತೋಜಿನ ಅದೆಟ್ ಗ್ರಾನೈಟ್ ಬೊಕ್ಕ ಅಡ್ಪಿಲ್ಲ್‌ಡ್ ನೆಲದ ಟೈಲ್ಸ್ ಪುಡದಾ ರಟ್ಟ್‌ದ್ಂಡ್. ಉಂದೆರ್ದಾವರ ಸುಮಾರ್ ₹ 35 ಲಕ್ಷ ನಷ್ಟ ಆತ್ಂಡ್ ಪಂದ್ ಅಬ್ದುಲ್ ರಹಿಮಾನ್ ಮೇರ್ ಕಂದಾಯ ಇಲಾಖೆಗ್ ಕೊರ್ತಿನ ಒಯಿಲ್‌ಡ್ ತೆರಿಪಾದೆರ್.
ಇಲ್ಲಡ್ ಅಬ್ದುಲ್ ರಹಿಮಾನ್‌ರೆನ ಅಪ್ಪೆ ಸಕೀನ ಮಾತ್ರ ಇತ್ತ್‌ದ್, ಇಲ್ಲದುಲಯಿ ಪುಗೆ ದೀಂಜೊಂದುಪ್ಪುನೆನ್ ತೂದು ಇಲ್ಲರ್ದ್ ಪಿದಯಿ ಬತ್ತ್‌ದ್ ಕಲ್ಕ್‌ದ್ ಬರಿತಿಲ್ಲದಕಲೆನ್ ಲೆತ್ತ್‌ದೆರ್. ಅಬ್ದುಲ್ ರಹಿಮಾನ್, ಬೋಡೆದಿ, ಜೋಕುಲು ಬೊಡೆದಿನ ಅಪ್ಪೆ ಇಲ್ಲಡೆ ಪೋದಿತ್ತೆರ್. ವರ್ಸೊಗು ದುಂಬು ಇಲ್ಲ್ ಕಟ್ಟಾದಿತ್ತೆರ್.