Last updated on July 22nd, 2024 at 05:21 pm
ಉಬಾರ್: ಜವನ್ದಿ ಮೀಪುನೆನ್ ದೆಂಗ್‌ದ್ ತೂಯೆರ ಪೋದು ಇರ್ವೆರ್ ಜೋಕುಲೆನ ಅಮ್ಮೆ ಒರಿ ತಿಕ್‌ದ್ ಬೂರ್ದಿನ ನಡಕೆ ಉಬಾರ್‌ದ ಪೆರಿಯಡ್ಕ ಪನ್ಪಿನವುಲು ಐತಾರ ರಾತ್ರೆ ನಡತ್‌ದ್ಂಡ್. ಪೋಲೀಸೆರ್ ಆರೋಪಿನ್ ಕೈದ್ ಮಲ್ತಿತ್ತ್‌ದ್, ರಹಿಮಾನ್ ಕೈದಾತಿನ ಆರೋಪಿ.
ಆರೋಪಿ, ಜವನ್ದಿ ಬೆಂದ್ರ್‌ಡ್ ಮೀಪುನೆನ್ ಮೆಲ್ಲ ಕಂಡಿದ ಬಾಕಿಲ್ ಜಾರಾದ್ ತೂಯೆರ ಪುಣೆತೆ. ಆ ಪೊರ್ತುಡು ಏರೋ ಇಪ್ಪುಲೆಕ ಪೊಣ್ಣಗ್ ಡೌಟ್ ಬತ್ತ್ಂಡ್. ಅಪಗನೇ ಆಲ್ ಅಪ್ಪೆನ್ ಲೆತ್ತ್‌ದಲ್. ಈ ಪೊರ್ತುಡು ಅಪ್ಪೆ ಬತ್ತ್‌ದ್ ತೂನಗ ಆರೋಪಿ ಬಲ್ತೊಂದುಪ್ಪುನ ತೋಜಿದ್ಂಡ್. ಅತ್ತಂದೆ ಅವು ರಹಿಮಾನ್ ಪಂದ್‌ಲಾ ತೆರಿದ್ಂಡ್.
ಈತಾನಗ ಸಕಾಯೊಗು ಬೊಬ್ಬೆ ಅಪ್ಪೆ ಬೊಬ್ಬೆ ಪಾಡ್ದೆರ್, ಬೊಬ್ಬೆ ಕೇಂದ್ ಮುಟ್ಟದಕುಲು ಪಾರ್ ಬೈದೆರ್. ರಹಿಮಾನ್‌ಲಿ ದಾಲ ಗೊತ್ತು ದಿಂತಿನ ಸುಬಗ ಲೆಕ ಅಡೆಗ್ ಬೈದೆ. ಈ ಪೊರ್ತುಡು ಅಲ್ಪ ಇತ್ತಿನಕುಲು ಆರೋಪಿನ್ ಪತ್ತ್‌ದ್ ಪೊಲೀಸೆರೆಗ್ ಕೊರ್ತೆರ್.
ಹಿಂದೂ ಸಂಘಟನೆಲೆನ ಮುಖಂಡೆ ಅರುಣ್ ಕುಮಾರ್ ಪುತ್ತಿಲ, ಬಿಜೆಪಿ ಮುಖಂಡೆರಾಯಿನ ಸುರೇಶ್ ಅತ್ರೆಮಜಲು,ಆನಂದ ಕುಂಟಿನಿ, ಸಂತೋಷ್ ಕುಮಾರ್ ಪರಂದಾಜೆ, ಬಜತ್ತೂರು ಗ್ರಾ.ಪಂ.ಅಧ್ಯಕ್ಷೆ ಗಂಗಾಧರ ಪಿ.ಎನ್.ಸೇರ್ದ್ ಬೇತೆ ಜನ ಪೊಲೀಸ್ ಸ್ಭೇಟೇಶನ್‌ಗ್ ಭೇಟಿ ಕೊರ್ದು, ನಡಕೆದ ಒಲವು ಗೆತೊಂದು, ಆರೋಪಿನ ಮಿತ್ತ್ ಕಾನೂನು ಕ್ರಮ ಗೆತೊನೆರೆ ಒತ್ತಾಯ ಮಲ್ದೆರ್.