ಭಾರತೊಗು ಈ ಸರ್ತಿದ ರಡ್ಡನೇ ಒಲಿಂಪಿಕ್ ಮೆಡಲ್: ಕಂಚಿ ಗೆಂದಿನ ಮನು ಭಾಕರ್ – ಸರಬ್ಜೋತ್ ಸಿಂಗ್

Last updated on July 30th, 2024 at 02:02 pm

ಮನು ಭಾಕರ್ ಬೊಕ್ಕ ಸರಬ್ಜೋತ್ ಸಿಂಗ್ ಇನಿ(ಅಂಗಾರೆ,  ಜುಲೈ 30) ಪ್ಯಾರಿಸ್ ಒಲಿಂಪಿಕ್ಸ್‌ಡ್ ಭಾರತೊಗು ರಡ್ಡನೇ ಪದಕೊನು ಗೆಂದಿಯೆರ್. ಚಾಟೊರಕ್ಸ್ ಶೂಟಿಂಗ್ ಸೆಂಟರ್‌ಡ್ ನಡತಿನ 10 ಮೀಟರ್ ಏರ್ ಪಿಸ್ತೂಲ್ ಮಿಕ್ಸ್ ಟೀಮ್ ಪಂತೊಡು ಕಂಚಿದ ಪದಕೊನು ಗೆಂದಿಯೆರ್.

ನಡತೊಂದುಪ್ಪುನ ಪ್ಯಾರಿಸ್ ಕ್ರೀಡಾಕೂಟೊಲೆಡ್ ಪೊಂಜೊವುಲೆನ 10 ಮೀಟರ್ ಏರ್ ಪಿಸ್ತೂಲ್ ಪಂತೊಡು ಮನು ಕಂಚಿದ ಪದಕ ಗೆಂದಿನೆರ್ದ್ ಬೊಕ್ಕ, ಭಾರತೊದ ರಡ್ಡನೇ ಶೂಟಿಂಗ್ ಪದಕ ಉಂದು ಆದುಂಡು. ಮೂಜನೇ ಸೀರೀಸ್‌ರ್ದ್ ಬೊಕ್ಕ ಭಾರತ 4-2 ಟ್ ದುಂಬು ಇತ್ತ್ಂಡ್ ಪಿರ ಐನನೇ ಸೀರೀಸ್‌ರ್ದ್ ಬೊಕ್ಕ 8-2 ಕ್ ತನ್ನ ಲೀಡ್‌ನ್ ಏರ್ತ್ಂಡ್. ಎಣ್ಮನೇ ಸೀರೀಸ್‌ರ್ದ್ ಬೊಕ್ಕ ತೆಂಕಾಯಿ ಕೊರಿಯಾ 10-6 ಗ್ ಅಂತರೊನು ಕಮ್ಮಿ ಮಲ್ತ್ಂಡಲಾ, ಭಾರತೀಯ ಜೋಡಿ ಎಡ್ಡೆ ರೀತಿಡ್ ಗೊಬ್ಬುದು ಮೆಡಲ್ ಆಕಿಯೆರ್.