Last updated on July 15th, 2024 at 01:42 pm
ಒಡಿಪುದ ಅಂಬಲಪಾಡಿದ ಗಾಂಧಿನಗರದ ಇಲ್ಲೊಂಜೆಟ್ಟ್ ಮಲ್ಲ ಅಗ್ನಿ ಅವಘಡ ಆದ್ ನಡಕೆಡ್ ಗಂಭೀರ ಗಡಿ ಆದಿತ್ತಿನ ಶೆಟ್ಟಿ ಬಾರ್ ಆಂಡ್ ರೆಸ್ಟೋರೆಂಟ್ ದ ಧನಿ ರಮಾನಂದ ಶೆಟ್ಟಿ(50) ತೀರಿಯೆರ್ ಪನ್ದ್ ತೆರಿದ್ ಬೈದ್ಂಡ್.
ಈ ನಡಕೆಡ್ ಗಡಿಯಾತಿನ ಅರೆನ ಬೊಡೆದಿಗ್ ಆಸ್ಪತ್ರೆಡ್ ಮರ್ದ್ ನಡತೊಂದುಂಡು. ರಡ್ಡ್ ಜೋಕುಲು ಅವಘಡೊರ್ದು ಬಚಾವಾತೆರ್ ಪನ್ದ್ ತೆರಿದ್ ಬೈದ್ಂಡ್.
ಇಲ್ಲದುಲಾಯಿರ್ದ್ ಪುಗೆ ಬರ್ಪಿನ ತೂದು ನೆರೆಕರೆತಕುಲು ಅಗ್ನಿಶಾಮಕೊಗು ಲೆಪ್ಪು ಕೊರಿಯೆರ್. ಅಗ್ನಿಶಾಮಕದಕುಲು ಇಲ್ಲದ ಬಾಕಿಲ್ ಪೊಲ್ತು ಉಲಯಿ ಪೋದು ಉಲಯಿ ಇತ್ತಿನಕಲೆನ್ ಪಿದಯಿ ಕನತೆರ್. ಈ ಪೊರ್ತುಡು ರಮಾನಂದೆರ್ ಬೊಕ್ಕ ಅರೆನ ಬೊಡೆದಿ ಮತಿ ತತ್ತ್ ಇತ್ತೆರ್. ಜೋಕುಲು ಬೆಂದುರುಡು ಕುಲ್ಲಿನೆರ್ದಾವರ ಅಕಲೆಗ್ ದಾಲಾ ಆತಿಜಿ. ಶಾರ್ಟ್ ಸರ್ಕೀಟ್ ಆದ್ ಇಂಚ ಆಂಡ್ ಪನ್ದ್ ಸಂಶಯ ಉಂಡು ಪನ್ದ್ ತೆರಿದ್ ಬೈದ್ಂಡ್. ಮೂಜಿ ಮಾಲಿಗೆದ ಇಲ್ಲಡ್ ತಿರ್ತ್ ದ ಮಾಲಿಗೆ ಪೂರಾ ಸುಡು ಸೂಕರಿಯಾತ್ಂಡ್.