Last updated on July 6th, 2024 at 04:37 pm
ಮುಲ್ಕಿದ ವಿಜಯ ಕಾಲೇಜ್‌ದಲ್ಪದ ವರಸಾರಿ ಕಟ್ಟೆದ ಎದುರು ಉಪ್ಪುನ ಟ್ರಾನ್ಸ್‌ಫಾರ್ಮರ್ ಮಿತ್ತ್ ಮರ ಬೂರ್ದ್ ಕುಂದ ಪೊಲಿದ್ ಬೂರ್ನ ನಡಕೆ ನಡದ್ಂಡ್. ವಿಜಯಕಾಲೇಜಿರ್ದ್ ವೆಂಕಟರಮಣ ದೇವಸ್ಥಾನದಂಚಿ ಪೋಪಿನ ಕೋಟೆಕೇರಿ ಮಾರ್ಗ ಬಂದ್ ಆತ್ಂಡ್.
ಬಪ್ಪನಾಡ್ ರ್ದ್ ವಿಜಯ ಕಾಲೇಜ್ ಪೋದು ಪೋಪಿನ ರೂಟುಡು ಪಂಚಮಹಲ್ ಆದ್, ಅಕ್ಕಸಾಲೆರೆ ಕೇರಿ ಆದ್ ಪೋವೊಡು ಪನ್ದ್ ಬ್ಯಾರಿಕೇಡ್ ಪಾಡ್ದೆರ್. ಇಲಾಖೆದಕುಲು ಬತ್ತ್ ಸಮ ಮಲ್ಪುವ ಬೇಲೆ ಮಲ್ತೊಂದುಲ್ಲೆರ್. ಕರಿನ ರಡ್ಡ್ ದಿನೊರ್ದಿಂಚಿ ಮುಲ್ಕಿಡ್ ದಡೀತ ಬರ್ಸ ಬರೊಂದುಂಡು. ತಗ್ಗ್ ದ ಜಾಗೆಲೆಗ್ ನೀರ್ ಪೊಗ್ಗುದುಂಡು. ಮುಲ್ಕಿದ ತುದೆ ಉರ್ಕಾರ್ ದ್ ತಮೆಲರೆ ಆತ್ಂಡ್ ಪನ್ದ್ ತೆರಿದ್ ಬೈದ್ಂಡ್. ಇನಿ ಜಿಲ್ಲಾಧಿಕಾರಿಲು ಕಾಲೇಜ್ ಗ್ ರಜೆ ಕೊರಿನೆರ್ದಾವರ ಮಲ್ಲ ಅನಾಹುತ ತತ್ತ್ಂಡ್ ಪನ್ದ್ ಅಲ್ಪದಕುಲು ಪನೊಂದುಲ್ಲೆರ್.