Last updated on July 12th, 2024 at 12:27 pm
ಒಡಿಪು : ಕಾಪು ಗರುಡ ಗ್ಯಾಂಗ್‌ದ ಪದುಕೆರೆಗ್ ಆರ್ಥಿಕ ಬೆರಿಸಾಯ ಕೊರ್ದಿತ್ತಿನ ಉಬಾರ್‌ದ ಆರೋಪಿಯೊರ್ಯನ ಮುಟ್ಟದ ಜವನ್ದಿನ್ ಒಡಿಪು ಪೊಲೀಸೆರ್ ಕೈದ್ ಮಲ್ದೆರ್.
ಕೈದಾತಿ ಆರೋಪಿ ಕುಡ್ಲ ಜಿಲ್ಲೆದ ಉಬಾರ್ ಕರ್ವೇಲ್, ಬಾನೊಟ್ಟು ನಿವಾಸಿ ಝಕರಿಯಾ ಪನ್ಪಿನಾರೆನ ಬೊಡೆದಿ ಸಫಾರ ಯಾನೆ ಸಾಜಿದ(21) ಪಂದ್ ತೆರಿದ್ ಬೈದ್ಂಡ್.
ಗರುಡ ಗ್ಯಾಂಗ್‌ದ ಪದುಕೆರೆಗ್ ಸಫಾರ ಆರ್ಥಿಕ ಬೆರಿಸಾಯ ಬೊಕ್ಕ ಇಪ್ಪೆರೆ ವ್ಯವಸ್ಥೆ ಮಲ್ತಿತ್ತಲ್. ಗ್ಯಾಂಗ್‌ದಕ್ಲೆಗ್ ಮೊಬೈಲ್ ಫೋನ್ ಕೊರ್ದು ಕಾಸ್ ಟ್ರಾನ್ಸ್‌ಫರ್ ಮಲ್ದಿನ ಆರೋಪಲಾ ಸಫಾರ ಯಾನೆ ಸಾಜಿದ ನ ಮಿತ್ತ್ ಉಂಡು ಪಂದ್ ಒಡಿಪು ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಡಾ.ಅರುಣ್ ಕೆ. ತೆರಿಪಾದೆರ್.
ಕರಿನ ಒಂತೆ ದಿನೊಉ ದುಂಬು ಒಡಿಪುಡು ನಡೀರ್ ನಡುರೋಡ್‌ಡ್ ಅಕುಲಕುಲೇ ಕಡ್ತೊಂದು, ಗಾಡಿಲೆಡ್ ಎಡ್ತೊಂದು ಗರುಡ ಗ್ಯಾಂಗ್ ಸುದ್ದಿ ಆದಿತ್ತ್ಂಡ್.