Last updated on August 28th, 2024 at 08:05 am
ಬೊಲ್ತೇರ್: ಬೆಳಾಲ್ ಗ್ರಾಮೊದ ನಿವಾಸಿಯಾದಿತ್ತಿನ ರಿಟೈರ್‌ಡ್ ಮುಖ್ಯ ಶಿಕ್ಷಕೆ ಬಾಲಕೃಷ್ಣ ಭಟ್ರೆನ (83) ಕೊಲೆ ಪ್ರಕರಣೊದ ಆರೋಪಿಲೆನ್ ಆ. 27 ತಾನಿ ಬೊಲ್ತೇರ್ ನ್ಯಾಯಂತಡೆಕ್ ಹಾಜರ್ ಮಲ್ತಿತ್ತ್‌ದ್ ನ್ಯಾಯಂತಡೆ ಆ. 31 ಮುಟ್ಟ ಪೊಲೀಸ್‌ ವಶೊಕು ಕೊರ್ತುಂಡು.
ಬೆಳಾಲ್ ನಿವಾಸಿ ಬಾಲಕೃಷ್ಣ ಭಟ್‌ ಮೆರೆನ್ ಆ. 20ದಾನಿ ಆರೆನ ಇಲ್ಲಡ್ ಕೆರ್ತಿನ ಆರೋಪೊಡು ಆ. 24 ತಾನಿ ಕುಡುಮ ಸ್ಟೇಶನ್ ಪೊಲೀಸೆರ್ ಕಾಸ್ರೋಡ್ ಮುಳ್ಳೇರಿಯಾದ ರಾಘವೇಂದ್ರ ಕೆದಿಲಾಯೆ (54) ಬೊಕ್ಕ ಆ ಜನತ ಮಗೆ ಮುರಳಿಕೃಷ್ಣೆ(21) ಪನ್ಪಿನ ಇರ್ವೆರೆನ್ ಕೈದ್ ಮಲ್ತಿತ್ತೆರ್.
ಆರೋಪಿಲೆನ್ ನ್ಯಾಯಾಧೀಶೆರೆ ಎದುರು ಹಾಜರ್ ಮನ್ಪಾನಗ ನ್ಯಾಯಾಂಗ ಬಂಧನ ಕೊರ್ದಿತ್ತೆರ್. ಅಂಗಾರೆಗ್ ನ್ಯಾ. ಬಂಧನೊದ ಅವಧಿ ಮುಗಿದಿತ್ತ್‌ದ್, ಆರೋಪಿಲೆನ್ ಇನ್‌ಸ್ಪೆಕ್ಟರ್‌ ನಾಗೇಶ್‌ ಕದ್ರಿ ಮುತಾಲಿಕೆಡ್ ಬೊಲ್ತೇರ್ ನ್ಯಾಯಂತಡೆಕ್ ಹಾಜರ್‌ಮಲ್ತೆರ್.