ಲಂಚದ ಕಾಸ್ ಪಟ್ಟ್‌ದ್ ಬೇಲೆ ಕಲೆಯೊಂಡಿನ ಪೋಲೀಸ್

Last updated on August 18th, 2024 at 12:02 pm

ಬಂಡಿಲೆನ ಚೆಕಪಕ್‌ದ ನೆವನೊಡು ಬಂಡಿ ಬುಡ್ಪಿನಕಲೆಡ ಪನವು ದೆತೊಂದು ಅವೆನ್ ಮೂಜಿ ಜನ ಟ್ರಾಫಿಕ್ ಪೋಲೀಸೆರ್ ಪಟ್ಟೊಂದಿನವು ವೀಡಿಯೊ ಆದ್ ಸಾಮಾಜಿಕ ಬಲೆತ್ತಾನೊಡು ವೈರಲ್ ಆತ್ಂಡ್. ಈ ಅಪರಾಧ ಮಲ್ತಿನ ಮೂಜಿ ಟ್ರಾಫಿಕ್ ಪೋಲೀಸೆರೆನ್ ಅಮಾನತ್ ಮಲ್ದ್ಂಡ್ ಪನ್ದ್ ದೆಹಲಿದ ಪೆರಿಯ ಪೋಲೀಸ್ ಅಧಿಕಾರಿಲು ತೆರಿಪಾದೆರ್.

ಗಾಜಿಪುರ ಪೊಲೀಸ್ ಠಾಣೆದ ಎದುರುಡು ಅಲ್ಪದ ಕಲ್ಯಾಣಪುರಿ ವೃತ್ತಡ್ ಕರ್ತವ್ಯ ಮಲ್ತೊಂದಿತ್ತಿನ ಸಂಚಾರಿ ಪೊಲೀಸೆರ್ ಎಲ್ಯ ಶೆಡ್ ಮಲ್ತೊಂದು ಅಲ್ಪ ಗಾಡಿ ಸವಾರೆರೆನ ದಾಖಲೆ ಪರಿಶೀಲನೆ ನೆವನೊಡು ಸುಲಿಗೆ ಮಲ್ತೊಂದಿತ್ತೆರ್. ಅವೆಟ್ ಬತ್ತಿನ ಪನವುನು ಮೂಜಿ ಸಂಚಾರಿ ಪೊಲೀಸೆರ್ ಪಟ್ಟೊಂದಿತ್ತೆರ್ ಪನ್ದ್ ತೆರಿದ್ಂಡ್. ಅವ್ ಅತ್ತಂದೆ ಉಂದೆಕ್ ಪೂರಕ ಪನ್ಪಿಲೆಕ್ಕ ಅಲ್ಪದ ಸಿಸಿ ಕ್ಯಾಮೆರಾಡ್ ಈ ಮೂಜಿ ಸಂಚಾರಿ ಪೊಲೀಸೆರ್ ಪನವು ಪಟ್ಟೊಂದಿನ ವಿಡಿಯೋ ವೈರಲ್ ಆತ್ಂಡ್.