Last updated on August 13th, 2024 at 01:52 pm
ರಾಜಬೂಡು ಬೆಂಗಳೂರುಡು ಜೈ ತುಲುನಾಡ್ (ರಿ.) ಬೆಂಗಳೂರು ಎಗ್ಗೆದ ಮುತಾಲಿಕೆಡ್ ತೇದಿ 04-08-2024 ಐತಾರ, ಬೆಂಗಳೂರುದ ಮುಲ್ಕಿ ಸುಂದರ್‌ರಾಮ್ ಶೆಟ್ಟಿ ನಗರ ಬಿಳೇಕಹಳ್ಳಿದ “ಮುಲ್ಕಿ ಸುಂದರ್‌ರಾಮ್ ಶೆಟ್ಟಿ ಸಭಾಂಗಣೊ”ದ ಆವರೊಣೊಡು ಪೊರ್ಲುಡ್ ನಡತ್ಂಡ್. ಸ್ಥಳೀಯ ಶಾಸಕೆರ್ ಶ್ರೀ ಸತೀಶ್ ರೆಡ್ಡಿ, ಅಯ್ಯಪ್ಪ ಸ್ವಾಮಿ ದೇವಸ್ಥಾನೊಡು ಲೇಸ್ ಎಡ್ಡೆಡ್ ಆವಡ್ ಪಂಡ್ದ್ ಮಾತೆರ್ನೊಟ್ಟು ಸೇರೊಂದು ದೇವೆರೆನ್ ಸುಗಿತ್‌ದ್ ಲೇಸ್‌ಡ್ ಪಾಲ್ ಪಡೆಯೆರ್.
ಚೆಂಡೆ ವಾದನದ ಒಟ್ಟುಗು ಪೊಂಜೊವುನಕುಲು ಕಳಸ ಪತೊಂದು ತುಳುವಪ್ಪೆನ ಪಟನ್ ಪೂ ಸಿಂಗಾರೊದ ಐತೊಡು ಅಯ್ಯಪ್ಪ ಸ್ವಾಮಿ ದೇವಸ್ಥಾನೊರ್ದು ಸಭಾಂಗಣ ಮುಟ್ಟ ಮೆರವಣಿಗೆಡ್ ಲೆತ್ತೊಂದು ಬತ್ತೆರ್. ಮುಲ್ಕಿ ಸುಂದರ್ ರಾಮ್ ಶೆಟ್ಟಿ ನಗರೊದ ಪ್ರಮುಖೆರ್ ರಮಾಕಾಂತ್ ಶೆಟ್ಟಿ, ಕರ್ನಲ್ ಎ.ಜೆ. ಭಂಡಾರಿ, ಭವಾನಿ ಶಂಕರ್ ಶೆಟ್ಟಿ, ರಮೇಶ್ ಶೆಟ್ಟಿ, ವೀರೇಂದ್ರ ಶೆಟ್ಟಿ, ಪೆರಿಯ ಉದ್ಯಮಿ ಗಣೇಶ್ ರಾವ್, ವೈ ಜಯಂತ್ ರಾವ್, ಚಂದ್ರಹಾಸ್. ಎಸ್ ಉಪಸ್ಥಿತೆರಿತ್ತೆರ್. ಜೈ ತುಲುನಾಡ್ ಸಂಘಟನೆದ ಬೆಂಗಳೂರು ಎಗ್ಗೆದ ಗುರ್ಕಾರೆ ಎಂ. ಕೆ. ಧನಂಜಯ ಆಚಾರ್ಯ ಮಾತೆರೆನ್ಲಾ ಮೋಕೆಡ್ ಎದ್ಕೊಂಡೆರ್. ಕಾರ್ಯಂತೆರ್ ಅಕ್ಷಯ್ ಆಚಾರ್ಯ ಮೇರ್ ಪ್ರಾಸ್ತಾವಿಕ ಭಾಷಣ ಮಲ್ತೆರ್. ಜೈ ತುಲುನಾಡ್ ಸಂಘಟನೆದ ಗುರ್ಕಾರೆ ಉದಯ ಪೂಂಜೆರ್, ಬೆಂಗಳೂರು ಎಗ್ಗೆದ ಒತ್ತು ಸಂಘಟನಾ ಕಾರ್ಯಂತೆರ್ ಪ್ರಶಾಂತ್ ಬೊಕ್ಕ ಕಾಶಿನಾಥ್, ಪನವುದ ಪಾಲವೆರ್ ಅನುದೀಪ್ ಎಲ್ಲೂರ್, ಒತ್ತು ಪನವುದ ಪಾಲವೆರ್ ಕು. ಪ್ರಗತಿ ಎಸ್, ದುಂಬುದ ಗುರ್ಕಾರ್ಲು ಜಯಪ್ರಸಾದ್ ಬೊಕ್ಕ ವಿಶಾಲ್ ಕೊಡಿಯಾಲ್, ಅಂಚೆನೆ ಸ್ಥಾಪಕ ಸಮಿತಿ, ಕೇಂದ್ರ ಸಮಿತಿ ಬೊಕ್ಕ ಮಾತಾ ಪದುಕೆರ್ ಪಾಲ್‌ಪಡೆದಿತ್ತೆರ್. ಮಾ. ಭುವನ್ ಶೆಟ್ಟಿ ಸುಗಿತೆರ್. ಗುರುಪ್ರಸಾದ್ ದೇವಾಡಿಗ, ಗೋಪಾಲ್ ಪೂಜಾರಿ ಪಟ್ಟೆ, ಸ್ಥಾಪಕ ಪದುಕೆರ್ ಸದಾಶಿವ ಮುದ್ರಾಡಿ ಸುಮಂತ್ ಹೆಬ್ರಿ, ಶರತ್ ಕೊಡವೂರು ಬೆರಿತಾಂಗ್ ಕೊರಿಯೆರ್.
ತುಲು ಭಜನೆ, ಯಕ್ಷ ಸ್ಪಂದನಾ ಕರಾವಳಿ ಕೂಟ ದಕುಲು ತುಲು ಭಜನೆನ್ ಭಕ್ತಿ ಶೃದ್ಧೆಡ್ ನಡಪಾದ್ ಕೊರಿಯೆರ್. ಪ್ರಕಾಶ್ ಪಾವಂಜೆ, ನಿರಂಜನ್ ಕಟೀಲ್, ಶಿವಾನಂದ ಸಾಲ್ಯಾನ್, ಕು. ದಿಯಾ, ಮಾ. ಭುವನ್ ಶೆಟ್ಟಿ ಮೊಕುಲು ತುಲು ಪದರಂಗೀತ ಯಶಸ್ವಿಯಾದ್ ನಡಪಾಯೆರ್.
‘ಪೆರ್ಮೆದ ತುಳುವೆರ್ ಬಸವನಗುಡಿ’ ಕೂಟೊದ ತುಳುನಾಡ್ ವೈಭವದ ನೃತ್ಯ ಪ್ರದರ್ಶನ ಜನ ಮೆಚ್ಚಿಗೆ ಪಡೆಂಡ್. ‘ಯಶಸ್ವಿ ಡ್ಯಾನ್ಸ್ ಗ್ರೂಪ್ ಕುಡ್ಲ’ ದ ತುಲು ಜಾನಪದ ನೃತ್ಯ, ಜೋಕುಲೆನ ತುಲುವೆರೆಂಕುಲು ನೃತ್ಯ, ಅಂಚೆನೆ ನನಲಾತ್ ಪ್ರದರ್ಶನೊಲು ಜನ ಮೆಚ್ಚಿಗೆ ಪಡೆಂಡ್. ತುಲು – ಕನ್ನಡ ಸಿನೇಮಾದ ಪುಗಾರ್ತೆದ ಪ್ರತಿಭೆಲು ನಿರಂಜನ್ ಶೆಟ್ಟಿ, ಪೃಥ್ವಿ ಅಂಬರ್, ಕು. ವಿರಾಣಿಕ ಶೆಟ್ಟಿ, ಪವಿತ್ರಾ ಕೊಟ್ಯಾನ್, ಶ್ರೀಮತಿ ಸುಷ್ಮಾರಾಜ್ ಮೊಕುಲು ಮಾತ ಲೇಸ್‌ಡ್ ಪಾಲ್‌ಪಡೆದ್ ಕುಶಿ ಪಡೆಯೆರ್. ಜೋಕುಲೆಗ್, ಪೊಂಜೊವುನಕಲೆಗ್, ಆಂಜೊವು ನಕಲೆಗ್ ಬಗೆ ಬಗೆತ್ತ ಗೊಬ್ಬುದ ಪಂತ ಕೂಟೊನು ರಂಜನ್ ಎಸ್. ವೈ. , ಶರತ್ ಟಿ., ಕೃಷ್ಣ, ಭರತ್ ಗೋಪಾಲ್, ಸುಧೀರ್ ದೇವಾಡಿಗ , ಅವಿನಾಶ್ ಮುದ್ರಾಡಿ , ಚೈತ್ರೇಶ್ ಅಂಚೆನೆ ಮಾತಾ ಎಗ್ಗೆದ ಪದುಕೆರ್ ಪೊರ್ಲುಡು ನಡಪಾದ್ ಕೊರಿಯೆರ್.
ಮಹೇಶ್ ಕುಲಾಲ್, ಅಂಚೆನೆ ಬೇತೆ ಬೇತೆ ಸಂಘಟನೆದಕುಲು ಮಲ್ಲ ಸಂಖ್ಯೆಡ್ ಸೇರ್ದ್ ಲೇಸ್ದ ಗೆಲ್ಮೆಗ್ ಬೆರಿತಾಂಗ್ ಕೊರಿಯೆರ್. ಮುಗಿತಲದ ಲೇಸ್‌ಡ್ ಸಂಘಟನಾ ಕಾರ್ಯಂತೆರ್ ಶರತ್ ಕೊಡವೂರು ಮಾತೆರೆನ್ಲಾ ಎದ್ಕೊಂದು ತುಲು ಬಾಸೆ-ಬುಲೆಚ್ಚಿಲ್‌ದ ಬಗೆಟ್ ಪಾತೆರಿಯೆರ್ . ಬೆಂಗಳೂರು ಬಂಟೆರೆ ಸಂಘೊದ ಪೊಸ ಗುರ್ಕಾರೆ ಸಿ. ಎ. ಅಶೋಕ್ ಶೆಟ್ಟಿ ಪಾಲ್ ದೆತೊಂದು, ಜೈ ತುಲುನಾಡ್ ಸಂಸ್ಥೆದ ಬೆನ್ಪಾಟಿಗೆನ್ ಬುಡುಉಡಲ್ಡ್ ಪುಗಾರ್ದ್, ಪಂತೊಲೆಡ್ ಗೆಂದಿನಕಲೆಗ್ ಇನಾಮ್ ಸಂದಾಯ ಮಲ್ತೆರ್. ಶ್ರೀಮತಿ ಕುಶಲಾಕ್ಷಿ ವಿ. ಕುಲಾಲ್ ಕಣ್ವ ತೀರ್ಥ ಆಟಿದ ಪೊರ್ಲ ಪೊಲಬುನು ಉಡಲ್ ಮುಟ್ಟುನ ರೀತಿಡ್ ತೆರಿಪಾಯೆರ್. ಸೌರಭ್ ಗುರ್ಮೆ ಸುರೇಶ್ ಶೆಟ್ಟಿ, ಹಾಲಾಡಿ ವಿಜಯ ಶೆಟ್ಟಿ, ದಿನೇಶ್ ಹೆಗ್ಡೆ, ಪುರುಷೋತ್ತಮ ಚೇಂಡ್ಲಾ, ಜೈ ತುಲುನಾಡ್(ರಿ.) ಕೇಂದ್ರ ಸಮಿತಿದ ಗುರ್ಕಾರೆ ಉದಯ ಪೂಂಜ ಪಾಲ್ ಪಡೆದಿತ್ತೆರ್. ಜಯಕರ್ನಾಟಕ ಜನಪರ ವೇದಿಕೆ ದ ಸಂಸ್ಥಾಪಕೆರ್ ಗುಣರಂಜನ್ ಶೆಟ್ಟಿ, ಶ್ರೀನಿವಾಸ ಅಂಗಾರ ಕೋಡಿ, ಉದಯ ಶೆಟ್ಟಿ, ಶ್ರೀನಿವಾಸ್, ಉಮೇಶ್ ಪೂಂಜಾ ಲೇಸ್ ದ ಚಾವಡಿಡ್ ಲೇಸ್ ಗ್ ಎಡ್ಡೆಪುನು ಬಯಕಿಯೆರ್. ಒತ್ತು ಕಾರ್ಯಂತೆರ್ ವಿನಯ್ ಮಣಿಯಾನ ಮೇರ್ ಪ್ರಾಸ್ತಾವಿಕ ಭಾಷಣ ಮಲ್ತೆರ್.
MSRS ನಗರ ವೆಲ್ಫೇರ್ ಸಂಸ್ಥೆದ ಗುರ್ಕಾರೆ, ನಿವೃತ್ತ ಯೋಧೆ ಕರ್ನಲ್ ಎ.ಜೆ. ಭಂಡಾರಿ; ಯಕ್ಷಗಾನ ಕ್ಷೇತ್ರೊದ ಚಿಂತಕೆ ಸಂಘಟಕೆ ದೀಪಕ್ ಶೆಟ್ಟಿ; ತುಲು ಮಾಧ್ಯಮ ಕ್ಷೇತ್ರದ ಅನನ್ಯ ಚಿಂತಕೆ, ಸೇವಕೆ, ‘ಟೈಮ್ಸ್ ಆಫ್ ಕುಡ್ಲ’ ಪತ್ರಿಕೆದ ಸಂಪೊಲಿಗೆದಾರ್ ಶಶಿ ಬಂಡಿಮಾರ್ ಮೊಕಲೆಗ್ ವಿಶೇಷ ಸಾಧನೆಲೆಗಾದ್ “”ತುಲುನಾಡ ಆಟಿ””ದ ವಿಶೇಷ ಮಾನಾದಿಗೆ ನಡತ್ಂಡ್. ಒತ್ತು ಕಾರ್ಯಂತೆರ್ ಶ್ರೀಮತಿ ಶಕುಂತಳಾ ಎಸ್. ಮೇರ್ ಆಟಿ ಕಳಂಜಗ್ ಪಡಿಯರಿ ಕೊರ್ಪುನ ಕ್ರಮೊತ ತೂಪರಿಕೆ ಮಲ್ತೆರ್. ಅಶೋಕ್ ಶೆಟ್ಟಿ ಪಾತೆರ್ದ್ ಅಪ್ಪೆ ಬಾಸೆನ್ ಏಪೊಗುಲಾ ಮದಪೆರೆ ಬಲ್ಲಿ ಪಂಡೆರ್.
ಪಳ್ಳಿ ವಿಶ್ವನಾಥ್ ಶೆಟ್ಟಿ, ಶ್ರೀಮತಿ ಗೀತಾ ಕೆ. ಜಯ ಪ್ರಸಾದ್, ಶ್ರೀಮತಿ ಅನುಷಾ ಸಾಲ್ಯಾನ್ ಲೇಸ್ ಸುದಾರ್ಮೆ ಮಲ್ತೆರ್. ಜೈ ತುಲುನಾಡ್(ರಿ.) ಬೆಂಗಳೂರು ಎಗ್ಗೆದ ಒತ್ತು ಗುರ್ಕಾರೆ ನಿಧೀಶ್ ಶೆಟ್ಟಿ ಮಾತೆರೆನ್ಲಾ ಮೋಕೆಡ್ ಕೊಂಡಾಡ್ದ್ ಸೊಲ್ಮೆ ಸಂದಾಯೆರ್.