Last updated on August 26th, 2024 at 12:30 pm
ಕಾರ್ಲ ಹಿಂದೂ ಪೊಣ್ಣನ್ ಕಿಡ್ನಾಪ್ ಮಲ್ತ್ ಅಲ್ನ ಮಿತ್ತ್ ಅತ್ಯಾಚಾರ ಮಲ್ದಿನ ಪ್ರಕರಣೊಡು ಅರೆಸ್ಟ್ ಆದ್ ನ್ಯಾಯಾಂಗ ಬಂಧನೊಡು ಇತ್ತಿನ ಅಲ್ತಾಫ್ ಬೊಕ್ಕ ಶ್ರೀವೆದ್ ರಿಚರ್ಡ್ ಕ್ವಾಡ್ರಸ್ ನ್ ನಾಲ್ ದಿನ ಪೋಲೀಸೆ ಕಸ್ಟಡಿಗ್ ಒಪ್ಯಾದೆರ್ ಪನ್ದ್ ಒಡಿಪುದ ಎಸ್.ಪಿ ಡಾ॥ಅರುಣ್ ಕುಮಾರ್ ತೆರಿಪಾದೆರ್.
ಆರೋಪಿಲೆನ್ ಶನಿಯಾರ ಕಾರ್ಲದ ನ್ಯಾಯಂತಡೆಕ್ ಕೊನೊಗು ಅಲ್ಪ ಪೋಲೀಸೆರೆನ ಮನವಿದ ಲೆಕ್ಕೊ ಎಚ್ಚಿನ ಜಡ್ತೆಗ್ ನಾಲ್ ದಿನ ಪೋಲೀಸ್ ಕಸ್ಟಡಿಗ್ ಕೊನೊವರೆ ನ್ಯಾಯಂತಡೆ ಆದೇಶ ಕೊರ್ತುಂಡು.
ಆರೋಪಿಲೆನ್ ಪೋಲೀಸೆರ್ ಶನಿವಾರ ನಡಕೆ ನಡದಿನ ಜಾಗೆಗ್ ಲೆತೊಂದು ಪೋದಿತ್ತೆರ್. ಅಲ್ಪ ಬಿಯರ್ ಬಾಟಲಿ, ನೀರ್ದ ಬಾಟಲಿದಂಚಿನ ಪಾಕ ಸೊತ್ತುಲು ತಿಕ್ಕುದ ಪನ್ದ್ ತೆರಿದ್ ಬೈದ್ಂಡ್. ಆರೋಪಿ ಒರಿ ಅಲ್ತಾಫ್ ಗ್ ಮದ್ಮೆ ಆದ್ ರಡ್ಡ್ ಜೋಕುಲು ಉಂಡು.