Last updated on August 31st, 2024 at 09:50 am
ಕಟಪಾಡಿದ ಒರಿಯಗ್ ಫೋನ್ ಮಲ್ತ್ ಕನ್ನಡೊಡು ಪಾತೆರ್ದ್ ಕಾಸ್ ದ ದಗೆ ಮಲ್ಪರೆ ತೂಯಿನ ನಡಕೆ ನಡದ್ಂಡ್. ಕಟಪಾಡಿದ ಚಂದ್ರ ಪೂಜಾರ್ಲೆಗ್ ವಕೀಲೆ ಪನ್ದ್ ಒರಿ ಫೋನ್ ಮಲ್ತ್ “ಈರ್ನ ಸಾಲದ ಕಂತು ಬಾಕಿ ಉಂಡು ಕೇಸ್ ಆತ್ಂಡ್ ಕೋರ್ಟುಗು ಬರೊಡು” ಪನ್ದ್ ಕನ್ನಡೊಡು ಪನ್ತೆ. ಆತೇ ಅತ್ತಂದೆ ಸಾಲದ ಕಂತುನು ಗೂಹಲ್ ಪೇಟ್ ಇತ್ತೆನೇ ಕಡಪುಡೊಡು ಪನ್ದ್ ದಡಿಲಾ ಪಾಡ್ದೆ ಪನ್ದ್ ತೆರಿದ್ ಬೈದ್ಂಡ್.
“ಏ ಚಂದ್ರ, ಕೂಡಲೇ ಕೋರ್ಟಿಗೆ ಬಾ, ಎಷ್ಟು ಹೊತ್ತಿಗೆ ಬರುತ್ತೀಯಾ?” ಪನ್ದ್ ಪನ್ಡಿನಾಯೆ ಮ್ಯಾನೇಜರ್ ಡ ಪಾತೆರ್ಪಾವೆ ಪನ್ದ್ ಕುಡೊರಿಯಗ್ ಫೋನ್ ಕೊರ್ತೆ. ಮ್ಯಾನೇಜರ್ ಪನ್ಪಿನಾಯೆ ಒರಿ ಪಾತೆರ್ದ್ ತಾಂತ್ರಿಕ ದೋಷೊರ್ದು ಕಂತು ಆಟೋಮೆಟಿಕ್ ಆದ್ ಕಟ್ಟ್ ಆತಿಜಿ ಅಂಚಾದ್ ಒತ್ತೆನೆ ಗೂಗಲ್ ಪೇ ಮಲ್ಪಿ ಪನ್ದ್ ಒತ್ತಾಯ ಮಲ್ತೆ. ಉಂದೆನ್ ಕೇಂಡಿನ ಚಂದ್ರ ಮೆರೆಗ್ ಉಂದು ಮಲ್ಲ ದಗಲ್ಬಾಜಿದ ಗೊಬ್ಬು ಪನ್ದ್ ತೆರಿದ್ “ಎನ್ನ ವಾ ಕಂತುಲಾ ಬಾಕಿ ಇಜ್ಜಿ, ಬಾಕಿ ಇತ್ತ್ಂಡ ಯಾನ್ ಆಫೀಸ್ ಗ್ ಬತ್ತ್ ಕಟ್ಟುವೆ, ನಿಕ್ಲೆನ ಆಫೀಸ್ ಒಡಿಪುಡು ಒಲ್ಪ ಉಂಡು ಪನ್ದ್ ಕೇಂಡೆರ್.
ಅಪಗ ತಿಕ್ಕ್ ದ್ ಬೂರಿನ ವಂಚಕೆರ್ ಬೆಬ್ಬೆಬ್ಬೆ ಪನ್ದ್ “ಲೊಕೇಶನ್ ಕಡಪುಡುವ” ಪನ್ದ್ ಕಟ್ ಮಲ್ದೆರ್. ಬೊಕ್ಕ ಚಂದ್ರೆರ್ ಕಡ ದೆತೊನ್ದಿನ ಕಂಪೆನಿಗ್ ಫೋನ್ ಮಲ್ತ್ ಕೇನ್ನಗ ಆರೆನ ಒವ್ವೇ ಸಾಲದ ಕಂತು ಬಾಕಿ ಇಜ್ಜಿ ಪನ್ದ್ ತೆರಿದ್ಂಡ್. ಈ ವರದಿ ಉದಯವಾಣಿಡ್ ಪ್ರಕಟ ಆದಿತ್ತ್ಂಡ್, ಎಂಕುಲು ತುಳುವೆರೆಗಾದ್ ತುಳುಟು ಅನುವಾದ ಮಲ್ತ್ ಪಾಡ್ದ.