Last updated on August 8th, 2024 at 07:41 am
ಸುಳ್ಯ: ಮೂಜಿ ದಿನೊರ್ದಿಂಚಿ ನಾಪತ್ತೆಯಾದಿತ್ತಿನ ಬಳ್ಪದ ಜವನನ ಪುಣ ಬುಧವಾರ ಪಂಜದ ಸುದೆಟ್ ತಿಕ್ಕ್‌ದ್ಂಡ್.
ಕಡಬ ತಾಲೂಕ್‌ದ ಬಳ್ಪ ಗ್ರಾಮೊದ ಅಕ್ಕೇಣಿಯ ಅಶೋಕ್ (33) ತೀರ್ದಿನಾರ್. ಅಶೋಕ್ ಆ.4ತಾನಿ ಇಲ್ಲಲ್ದ್ ನಾಪತ್ತೆಯಾದಿತ್ತೆರ್. ಆರೆಗಾದ್ ಮೂಜಿ ದಿನೊರ್ದಿಂಚಿ ಒರ್ಮೆಲಾ ನಾಡೊಂದಿತ್ತ್‌ದ್, ಸುದೆಕ್ ಬೂರ್ದಿನ ಡೌಟ್ ಇತ್ತಿನೆರ್ದಾವರ, ಪಂಜ ಸುದೆಟ್ ನಾಡೊಂದಿತ್ತಿನ ಪೊರ್ತುಡು ಪಲ್ಲೋಡಿ ಅಡ್ಕ ಪನ್ಪಿನವುಲು ಆರೆನ ಮೃತದೇಹ ಬುಧವಾರ ತಿಕ್ಕ್‌ದ್ಂಡ್.
ಕಾರ್ಯಾಚರಣೆಡ್ ಸುಳ್ಯದ ಮುರ್ಕುತಜ್ಞೆರೆ ಕೂಟ, ಸಂಪಾಜೆ ಶೌರ್ಯ ವಿಪತ್ತು ನಿರ್ವಹಣಾ ಘಟಕೊದ ಪದುಕೆ, ಪ್ರಗತಿ ಅಂಬ್ಯುಲೆನ್ಸ್‌ದ ಅಬ್ದುಲ್ ರಝಾಕ್ (ಅಚ್ಚು), ಚಿದಾನಂದ ಗೂನಡ್ಕ , ಶ್ರೀ ಮುತ್ತಪ್ಪನ್ ಅಂಬ್ಯುಲೆನ್ಸ್‌ದ ಅಭಿ ಸುಳ್ಯ, ಕುಡ ಒಂತೆ ಜನ ಪಾಲ್‌ಪಡೆದಿತ್ತೆರ್.
ಸುಬ್ರಹ್ಮಣ್ಯ ಪೊಲೀಸೆರ್ ಪರಿಶೀಲನೆ ಮಲ್ತ್‌ದ್ ಕೇಸ್ ದಿಕಲ್ತೊಂದೆರ್.