Last updated on August 10th, 2024 at 08:04 am
Brazil Plane Crash: ಬ್ರೆಜಿಲ್ಡ್ ವಿಮಾನ ಒಂಜಿ ಬೂರ್ದು ವಿಮಾನೊಡಿತ್ತಿನ 62 ಜನ ತೀರ್ದೆರ್. ಈ ನಡಕೆಗ್ ನೆವನ ದಾದ ಪಂದ್ ನನಲಾ ತೆರಿದ್ ಬೈದಿಜಿ. ಬ್ರೆಜಿಲ್ಡ್ ಮಾಮಲ್ಲ ದುರಂತ ಒಂಜಿ ನಡತಿತ್ತ್‌ದ್, ಸಾವೊ ಪಾಲೊ ರಾಜ್ಯೊದ ವಿನ್ಹೆಡೊ ನಗರೊಡು ಟರ್ಬೊಪ್ರೊಪ್ ವಿಮಾನ ಶುಕ್ರವಾರ ಬೂರ್ದುಂಡು. ಈ ಅಪಘಾತೊಡು ವಿಮಾನೊಡಿತ್ತಿನ ಮಾತಾ 62 ಪ್ರಯಾಣಿಕೆರ್ ಜೂವ ಕಲೆವೊಂದೆರ್.
ವೋಪಾಸ್ ಲಿನ್ಹಾಸ್ ಏರಿಯಾಸ್ ನಡಪಾವೊಂದಿತ್ತಿನ ATR-72 ವಿಮಾನ ಪರಾನಾ ರಾಜ್ಯೊದ ಕ್ಯಾಸ್ಕಾವೆಲ್‌ರ್ದ್ ಸಾವೊ ಪಾಲೊದ ಗೌರುಲ್ಹೋಸ್‌ಗ್ ಪೋವೊಂದಿತ್ತ್ಂಡ್ ಪಂದ್ ಅಲ್ಪದ ಸುದ್ದಿ ಸಂಸ್ಥೆ G1 ವರದಿ ಮಲ್ದ್ಂಡ್. ಬ್ರೆಜಿಲಿಯನ್ ವಿಮಾನವು ಸಾವೊ ಪಾಲೊರ್ದ್ ಪಡುಬಡಕಾಯಿ ಮೆಯಿಟ್ 80 ಕಿಲೋಮೀಟರ್ ದೂರೊಡುಪ್ಪುನ ವಿನ್ಹೆಡೊ ಪೇಂಟೆದ ಮಿತ್ತ್ ಬೂರ್ದ್ಂಡ್.
ಎಚ್ಚ ಜನೊಕುಲು ಇಪ್ಪುನ ಜಾಗೆಡ್ ವಿಮಾನ ಬೂರೊಂದುಪ್ಪುನ ಪೊರ್ತುದ ದೃಶ್ಯೊಲು ಸಾಮಾಜಿಕ ಬಲೆತ್ತಾನೊಡು ವೈರಲ್ ಆವೊಂದಿತ್ತ್‌ದ್, ಕರಿತ ಪುಗೆ ಲಕ್ಕುನ ವಿಡಿಯೋಲೆಡ್ ತೂವೊಲಿ.
ಈ ವಿಮಾನ ಅಪಘಾತೊಡು ವಿಮಾನೊದುಲಯಿ ಇತ್ತಿನ ಏರ್ಲಾ ಬದ್‌ಕ್‌ದಿಜೆರ್ ಪಂದ್ ವಿನ್ಹೆಡೋದ ವ್ಯಾಲಿನ್ಹೋಸ್‌ದ ಅಧಿಕಾರಿಲು ತೆರಿಪಾದೆರ್. ವಿಮಾನ ಬೂರಿನೆರ್ದಾವರ ಮುಟ್ಟದ ಕಾಂಡೋಮಿನಿಯಂ ಕಾಂಪ್ಲೆಕ್ಸ್‌ಡುಪ್ಪುನ ಇಲ್ಲ್‌ಲೆಗ್ ಹಾನಿಯಾದಿತ್ತ್‌ದ್, ಅಲ್ಪ ಇಪ್ಪುನಕಲೆಗ್ ದಾಲ ಎಚ್ಚಿಕಮ್ಮಿ ಆತ್ಂಡ ಪಂದ್ ತೆರಿದ್ ಬರೊಡಾತೆ.