ಪುತ್ತೂರು ಬೈಪಾಸ್ ರೋಡ್‌ಡ್ ರಾತ್ರೆ ಗಾಡಿಲೆನ ಸಂಚಾರ ಬಂದ್!

Last updated on August 2nd, 2024 at 09:50 pm

ಪುತ್ತೂರು: ಪುತ್ತೂರು ರಾಷ್ಟ್ರೀಯ ಪೆರ್ಸಾದಿ ಬೈಪಾಸ್ ರೋಡ್ ಬಪ್ಪಳಿಗೆದಲ್ಪ ಗುಡ್ಡೆ ಜರಿಯುಞ ಪೋಡಿಗೆ ಇಪ್ಪುನೆರ್ದಾವರ ದಂಬೆಚ್ಚರ್ಗೆದ ಕ್ರಮ ಆದ್ ರಾತ್ರೆದ ಪೊರ್ತುಡು ಪೆರ್ಸಾದಿಡ್ ಗಾಡಿಲೆನ ಸಂಚಾರ ನಿಷೇಧ ಮನ್ಪುವ ಪಂದ್ ಪುತ್ತೂರು ಸಹಾಯಕ ಕಮೀಷನರ್, ಜಿಲ್ಲಾಧಿಕಾರಿಲೆಗ್ ತೆರಿಪಾದ ಪಂದ್ ಪಂಡೆರ್.

ಇನಿ, ಆ.2ತ ಪುಲ್ಯ ಕಾಂಡೆ ಬಪ್ಪಳಿಗೆ ಬೈಪಾಸ್‌ದಲ್ಪ ಗುಡ್ಡೆರ್ದ್ ಮಣ್ಣ್ ಜರಿದ್ ರೋಡ್‌ದ ಮಿತ್ತ್ ಬೂರ್ದಿತ್ತ್ಂಡ್. ಜರಿನ ಮಣ್ಣ್‌ನ್ ದೆತ್ತ್‌ದಿತ್ತ್ಂಡಲಾ ಗುಡ್ಡೆದ ಮಿತ್ತ್ ನನಲಾತ್ ಅಪಾಯಕಾರಿ ಮರೊಕುಲು ಇಪ್ಪುನೆರ್ದಾವರ ಕುಡ ಗುಡ್ಡೆ ಜರಿಯುನ ಪೋಡಿಗೆ ಉಂಡು.

ಅಂಚಾದ್ ರಾತ್ರೆದ ಪೊರ್ತುಡು ಬೈಪಾಸ್ ಪೆರ್ಸಾದಿಡೆ ಗಾಡಿಲೆನ ಸಂಚಾರ ನಿಷೇಧ ಮಲ್ದ್ಂಡ್. ರಾಷ್ಟ್ರೀಯ ಪೆರ್ಸಾದಿಡ್ ಪೋಪುನ ಗಾಡಿಲು ಪಗತೆಗ್ ಪುತ್ತೂರು ಪೇಂಟೆದ ಸಾದಿನ್ ಗಲಸುನ ವಿಚಾರವಾದ್ ಚರ್ಚೆ ಮಲ್ತ್‌ದ ಪಂದ್ ತೆರಿಪಾಯೆರ್.