ಬರ್ಸೊಡು ತಿಕ್ಕಿನ ರಜೆತ ಪಗತೆಗ್ ಸ್ಪೆಷಲ್ ಕ್ಲಾಸ್?

Last updated on August 4th, 2024 at 01:30 pm

ತುಳುನಾಡೊರ್ಮೆ ಬರ್ಸದ ಅರಬಟ ದಡೀಟ್ ಇತ್ತಿನೆರ್ದಾವರ ಶಾಲೆ ಕಾಲೇಜಿಲೆಗ್ ಬೆರಿ ಬೆರಿಕ್ ರಜೆ ತಿಕ್ಕ್ಂಡ್. ಆಂಡ ಉಂದೆರ್ದಾತ್ರ ಸುಮಾರ್ ಕ್ಲಾಸ್ ತತ್ತ್ಂಡ್, ಅಂಚಾದ್ ನನ ಸ್ಪೆಷಲ್ ಕ್ಲಾಸ್ ಆಪಿನ ಸಾಧ್ಯತೆ ಉಂಡು. ಕರಿನ ರಡ್ಡ್ ತಿಂಗೊಲುಡು ಸುಮಾರ್ 10 ದಿನತಾತ್ ರಜೆ ಆಂಡ್ ಅಂಚಾದ್ ಅವೆರ್ದ್ ಪಿರ ಬೂರಿನ ಪಾಟೊಲೆನ ನನ ಮುಗಿಪುನು ಎಂಚ ಪನ್ಪಿನವೇ ಎತೆ ಆತ್ಂಡ್ ಅಂಚಾದ್ ಶನಿಯಾರ ಪೂರಾ ದಿನ ಅಂಚೆನೆ ಐತಾರಲಾ ನನ ಕ್ಲಾಸುಲು ಉಪ್ಪುನ ಸಾಧ್ಯತೆ ಉಂಡು.

ಈ ದಿಸೆಟ್ ತುಳುನಾಡ್ ಜಿಲ್ಲೆಲೆನ ಶಿಕ್ಷಣ ಇಲಾಖೆಲು ಚಿಂತನೆ ಮಲ್ತೊಂದುಲ್ಲೆರ್. ಆಂಡ ಕೆಲವೆರ್ ಐತಾರ ಕ್ಲಾಸ್ ಮಲ್ಪುನೆಕ್ಕ್ ವಿರೋಧ ಉಲ್ಲೆರ್ ಪನ್ದ್ ತೆರಿದ್ ಬೈದ್ಂಡ್. ಶನಿವಾರ ಆಂಡ ಮಲ್ಲೆಜ್ಜಿ ಆಂಡ ಐತಾರಲಾ ಕ್ಲಾಸ್ ಮಲ್ಪುನ ಜೋಕುಲೆಗ್ ಅಂಚೆನೆ ಟೀಚರ್ನಕಲೆಗ್ ಎಡ್ಡೆ ಅತ್ತ್ ಪನ್ದ್ ಟೀಚರ್ನಕಲೆನ ಅಭಿಪ್ರಾಯ ಉಂಡು.