Last updated on August 28th, 2024 at 10:10 am
ಮಣಿಪಾಲ: ಅಲೆವೂರ್‌ದ ನೈಲಪಾದೆಡ್ ಸುದೆಟ್ ಮೀಂದ್ಯೆರೆ ಪೋದು ನೀರ್‌ಡ್ ಮುರ್ಕ್‌ದ್ ಮಣಿಪಾಲದ ಪ್ರೈವೇಟ್ ಆಸ್ಪತ್ರೆಗ್ ದಾಕಲಾದಿತ್ತಿನ ವಿದ್ಯಾರ್ಥಿ ಮರ್ದ್ ಪಲಿಪಂದೆ ಬುಧವಾರ(ಆ 28) ಕಾಂಡೆ ತೀರ್ದೆರ್.
ತೀರ್ದಿನ ವಿದ್ಯಾರ್ಥಿ ತಿರುವನಂತಪುರಂದ ಆರೊನ್‌ ರೋಜರ್‌ ಲೀನ್‌(17) ಪನ್ಪಿನಾರ್ ಆದಿತ್ತ್‌ದ್, ಐತಾರ(ಆ 25) ಮೀಂದ್ಯೆರ ಪೋದಿಪ್ಪುನ ಪೊರ್ತುಡು ನೀರ್‌ಡ್ ಮುರ್ಕುದಿತ್ತೆರ್. ಆರೊನ್‌‌ನ ಪೋಷಕೆರ್ ಪರದೇಸೊಗು ಪೋದಿತ್ತಿನಕುಲು ಪಿರಬೈದೆರ್.
ಮೀಂದ್ಯೆರೆ ಪೋದಿತ್ತಿನ ನಾಲ್ವೆರ್ ವಿದ್ಯಾರ್ಥಿಲೆಡ್ ಒರಿ ಕೋಲ್ಕತ್ತಾದ ಮಾಧವ್‌(18) ಪನ್ಪಿನಾರೆನ ಸ್ಥಿತಿ ಬಾರೀ ಸೀರಿಯಸ್ ಇತ್ತ್‌ದ್ ಮರ್ದ್ ನಡತೊಂದುಂಡು. ಈ ನಡಕೆಡ್ ಇರ್ವೆರ್ ವಿದ್ಯಾರ್ಥಿಲು ದಾಲ ಆವಂದೆ ಬಚಾವಾತೆರ್.
ನೀರ್‌ಡ್ ಮುರ್ಕುದಿತ್ತಿನಕಲೆನ್ ಅಲ್ಪದಕುಲು ತುರ್ತು ಕಾರ್ಯಾಚರಣೆ ಮಲ್ತ್‌ದ್ ಮಿತ್ತ್ ಕನತ್‌ದ್ ಆಸ್ಪತ್ರೆಗ್ ಸೇರಾದಿತ್ತೆರ್. ಬಾರೀ ಸೀರಿಯಸ್ ಸ್ಥಿತಿಟೇ ಆಸ್ಪತ್ರೆಗ್ ದಾಕಲ್ತ್‌ದಿತ್ತೆರ್.