Last updated on August 26th, 2024 at 06:14 am
ಒಡಿಪುಡು ಇನಿ ಪನ್ಡ ಆಗಸ್ಟ್ 16ಕ್ಕ್ ಕೃಷ್ಣ ಜನ್ಮಾಷ್ಠಮಿ ಅಂಚೆನೆ ಆಗಸ್ಟ್ 27ಕ್ಕ್ ವಿಟ್ಲಪಿಂಡಿ ನಡಪರೆ ಉಂಡು.
ಶ್ರೀಕೃಷ್ಣಮಠೊಕು ಪೂತ ಅಲಂಕಾರ, ದೇವೆರೆಗ್ ವಿಶೇಷ ಪೂಜೆ, ಧಾರ್ಮಿಕ, ಸಾಂಸ್ಕೃತಿಕ ಲೇಸ್ ದಿನ ಇಡೀಕ ನಡಪರೆ ಉಂಡು. ಶ್ರೀಕೃಷ್ಣ ಮಠಡ್ ಸೋಮಾರ ಕಾಂಡೆ ಪರ್ಯಾಯ ಶ್ರೀ ಪುತ್ತಿಗೆ ಮಠಾಧೀಶೆರಾಯಿನ ಶ್ರೀ ಸುಗುಣೇಂದ್ರತೀರ್ಥ ಶ್ರೀಪಾದೆರ್ ಮಹಾಪೂಜೆ ಮಲ್ತ್ ಬೊಕ್ಕ ರಾತ್ರೆ ಪೂಜೆ ನಿವೇದನೆಗ್ ಉಂಡೆ ಕಟ್ಟರೆ ಮುಹೂರ್ತ ಮಲ್ಪರೆ ಉಲ್ಲೆರ್. ಶ್ರೀಕುಲು ಸೇರ್ದ್ ಭಕ್ತೆರ್, ಶಿಷ್ಯ ವರ್ಗ ಏಕಾದಶಿಲೆಕ್ಕ ನಿರ್ಜಲ ಪಾಸ ಕುಲ್ದು ಕೃಷ್ಣಾಷ್ಟಮಿ ವ್ರತ ಕರಿಪುವೆರ್. ಅಂಚಾದ್ ರಾತ್ರೆಲಾ ಅರ್ಚನೆ, ಮಹಾಪೂಜೆನ್ ಮಲ್ಪುನ ಶ್ರೀಕುಲು ಕಾಂಡೆ ಮುಹೂರ್ತ ಮಲ್ದಿನ ಲಾಡ್ಲೆನ್ ಶ್ರೀಕೃಷ್ಣಗ್ ನಿವೇದನೆ ಮಲ್ಪುವೆರ್.
ಕೃಷ್ಣ ದೇವೆರೊನ ದರುಶನ ಯಾಪದಲೆಕ್ಕನೇ ಆಪುಂಡು. ವಸಂತಮಂಟಪೊಡು ಡೋಲು ಉಚ್ಚಯ ನಡಪರೆ ಉಂಡು. ಸಂಕಲ್ಪೊಡು ಶ್ರೀಕೃಷ್ಣನ ತೊಟ್ಟಿಲ್ ತೂಂಕುನ ವ್ಯವಸ್ಥೆ ಮಲ್ದೆರ್. ಜನ್ಮಾಷ್ಟಮಿದ ಲೆಕ್ಕೊಡಿ ದಿನ ಇಡೀ ಸಾಂಸ್ಕೃತಿಕ ಕಾರ್ಯಕ್ರಮೊಲು ನಡಪುಂಡು.