Last updated on August 24th, 2024 at 09:22 am
ತುಳು ಬಾಸೆ-ಪರಪೋಕುದ ಬುಲೆಚ್ಚಿಲ್‌ಗ್ ಉಂಡಾತಿನ ಅಖಿಲ ಭಾರತ ತುಳು ಒಕ್ಕೂಟ, ಕುಡ್ಲಡ್ ಇನಿ ತುಳು ಸಂಸ್ಕೃತಿದ ಬಗೆಟೊಂಜಿ ಮಾಮಲ್ಲ ಉಚ್ಚಯದ ಅಟ್ಟನೆ ಮಲ್ದ್ಂಡ್.
ದೇಸ-ಪರದೇಸೊದ ಸುಮಾರ್ 46 ತುಳು ಸೇವಾ ಸಂಸ್ಥೆಲು/ಸಂಘಟನೆಲು ಈ ಉಚ್ಚಯೊಡು ಪಾಲ್‌ಪಡೆವೊಂದುಲ್ಲೆರ್.
ಇನಿ ಕಾಂಡೆ 8:30ರ್ದ್ ತುಳುವೆರೆ ಡಿಬ್ಬಣ ಮೆರವಣಿಗೆ, ಕುಡ್ಲ ಯೂನಿವರ್ಸಿಟಿರ್ದ್ ಟೌನ್‌ಹಾಲ್ ಮುಟ್ಟ ನಡಪುಂಡು, ಉಂದೆಟ್ 8 ಬಗೆತ ಜಾನಪದ ಕಲಾಪ್ರಕಾರೊಲೆನ ತೂಪರಿಕೆ ಉಪ್ಪುಂಡು.
ತೆಂಕಾಯಿ ಕುಡ್ಲ ಶಾಸಕೆ, ವೇದವ್ಯಾಸ ಕಾಮತೆರ್ ಉದಿಪನ ಮಲ್ಪುವೆರ್. ಪುಗರ್ತೆದ ತುಳುವೆರ್ ಆಯಿನ ದಿವಾಕರ ಶೆಟ್ಟಿ ಸಾಂಗ್ಲಿ, ನಗ್ರಿಗುತ್ತು ರೋಹಿತ್ ಶೆಟ್ಟಿ, ಕರ್ನೂರ್ ಮೋಹನ್ ರೈ, ಅಶೋಕ್ ಪಕ್ಕಲ ಮೊಕುಲು ಪಾಲ್‌ಗೆತೊನೆರೆಗುಲ್ಲೆರ್.
ಈ ಉಚ್ಚಯೊಡು ಪೆರಿಯ ನಾಟಕ ಬರೆಪುನಾರ್, ನಟೆ, ಪ್ರೊಡ್ಯೂಸರ್, ಡೈರೆಕ್ಟರ್ ತೋನ್ಸೆ ವಿಜಯ ಕುಮಾರ್ ಶೆಟ್ರೆಗ್ ‘ಪೆರ್ಮೆದ ತುಳುವೆ -2024’ ಮಾನಾದಿಗೆ ನಡಪೆರೆಗುಂಡು.