ವೆನ್ಲಾಕ್ ಆಸ್ಪತ್ರೆ : ಎಲ್ಲ್ೆ ಪೊಸ ಸರ್ಜಿಕಲ್ ಸೂಪರ್ ಸ್ಪೆಷಾಲಿಟಿ ಕಟ್ವಾನ ಉದಿಪನ

Last updated on August 14th, 2024 at 11:51 am

ಕುಡ್ಲ ಸ್ಮಾರ್ಟ್ ಸಿಟಿ ಯೋಜನೆಡ್ ವೆನ್ಲಾಕ್ ಆಸ್ಪತ್ರೆಡ್ ನಿರ್ಮುತಿನ ಪೊಸ ಸರ್ಜಿಕಲ್ ಸೂಪರ್ ಸ್ಪೆಷಾಲಿಟಿ ಕಟ್ವಾನದ ಉದಿಪನ ಆ 15ಕ್ಕ್ ಬಯ್ಯಗ್ 3 ಗಂಟೆಗ್ ನಡಪರೆ ಉಂಡು ಪನ್ದ್ ವೆನ್ಲಾಕ್ ಜಿಲ್ಲಾಸ್ಪತ್ರೆದ ಅಧೀಕ್ಷಕಿಯಾಯಿನ ಜೆಸಿಂತಾ ಡಿಸೋಜಾ ತೆರಿಪಾಯೆರ್.

ಸ್ಪೀಕರ್ ಯು.ಟಿ ಖಾದರ್ ಇತ್ತ್, ಆರೋಗ್ಯ ಸಚಿವೆರಾಯಿನ ದಿನೇಶ್ ಗುಂಡೂರಾವ್ ಮೇರ್ ಉದಿಪನ ಮಲ್ಪುವೆರ್. ಶಾಸಕೆರಾಯಿನ ವೇದವ್ಯಾಸ ಕಾಮತ್ ಲೇಸ್ ದ ಗುರ್ಕಾರ್ಮೆ ವೈಸೊನುವೆರ್.

56 ಕೋಟಿ ರೂಪಾಯಿಡ್ ಕಟ್ಟಿನ ಈ ಕಟ್ವಾನೊಡು ಒಟ್ಟು ಏಳ್ ಮಾಲಿಗೆಲು ಉಲ್ಲ. 250 ಬೆಡ್, 7 ಕೋಟಿದ ಆಧುನಿಕ ವೈದ್ಯಕೀಯ ಯಂತ್ರೋಪಕರಣೊಲು. ಕ್ಯಾಥ್ ಲ್ಯಾಬ್, ರೇಡಿಯೋಲಾಜಿ ವಿಭಾಗೊಲು, 15 ಬೆಡ್ ದ ತುರ್ತು ಚಿಕಿತ್ಸಾ ವಿಭಾಗ ಅಂಚೆನೆ 8 ಬೆಡ್ ದ ತುರ್ತುಚಿಕಿತ್ಸಾ ಐಸಿಯು, ಎಂಡೋಸ್ಕೋಪಿ ಅಂಚೆನೆ ತುರ್ತು ಅಪರೇಷನ್ ಥಿಯೇಟರ್ ಉಂಡು.