Last updated on September 15th, 2024 at 08:29 am
ಗುತ್ತಿಗೆದಾರೆ ಒರ್ಯಗ್ ಜೂವಬೊಲ್ಚೆಲ್, ಜಾತಿ ನಿಂದನೆ, ಪೆದಂಬು ನೆರ್ತಿನ ಆರೋಪೊಡು ಆರ್.ಆರ್.ನಗರೊದ ಬಿಜೆಪಿ ಶಾಸಕೆ ಮುನಿರತ್ನ ಮೆರೆನ್ ಪೊಲೀಸೆರ್ ವಶೊಕು ಗೆತೊಂದೆರ್.
ಕೋಲಾರೊದ ಮುಳಬಾಗಿಲ ನಂಗಳಿ ಗ್ರಾಮೊದಲ್ಪ ಪೊಲೀಸೆರ್ ವಶೊಕು ಗೆತೊಂದೆರ್. ಆಂಧ್ರದಂಚಿಗ್ ಆರ್ ಪಿದಡ್ದಿತ್ತೆರ್ ಪಂದ್ ತೆರಿದ್ ಬೈದ್ಂಡ್. ಮುನಿರತ್ನೆರೆನ ಮಿತ್ತ್ 2 ಒಯಿಲ್ ದಾಕಲಾತ್ಂಡ್. ಒಯಿಲ್ ಬರೆಪಾಂಡಲಾ ಪೊಲೀಸೆರ್ ಕ್ರಮ ಗೆತೊನೊಂದಿಜ್ಜೆರ್ ಪಂಡ್‌ದ್ ಗುತ್ತಿಗೆದಾರೆ ಮುಖ್ಯಮಂತ್ರಿಲೆನ್ ಭೇಟಿ ಆದ್ ದೂರು ಕೊರ್ತೆರ್.
ಮುನಿರತ್ನೆ ಬಾಯಿ ಶುದ್ಧ ಮಲ್ತೊನೊಡು ಪಂಡ್‌ದ್ ಸಿದ್ದರಾಮಯ್ಯೆ ಟ್ವೀಟ್ ಮಲ್ದೆರ್. ಆರೆನ್ ಬಿಜೆಪಿರ್ದ್ ಪಿಜಯಿ ಪಾಡೊಡು ಪಂದ್ ಮಾಜಿ ಸಂಸದೆ ಡಿ.ಕೆ.ಸುರೇಶೆರ್ ಪಟ್ಟ್ ಕಟ್ಟ್‌ದೆರ್.
ಈ ನಡುಟು ಖಾಸಗಿ ಟಿವಿದ ಒಟ್ಟುಗು ಪಾತೆರ್ದಿನ ಮುನಿರತ್ನೆರ್ ಆ ಆಡಿಯೋ ಎನ್ನವತ್ತ್, ಎನ್ನವು ಪಂಡ್‌ದ್ ಸಾಬೀತ್ ಆಂಡ ಶಾಸಕ ಸ್ಥಾನೊಗು ರಾಜಿನಾಮೆ ಕೊರ್ಪೆ ಪಂದ್ ಪನ್ತೆರ್.