Last updated on September 16th, 2024 at 03:37 pm
ಶಿರ್ವ: ಅಂತಾರಾಷ್ಟ್ರೀಯ ಪ್ರಜಾಪ್ರಭುತ್ವ ದಿನಾಚರಣೆದ ಲೆಕ್ಕೊಡು ನಡತಿನ ‘ಮಾನವ ಸರಪಳಿ’ ಕಾರ್ಯಕ್ರಮೊಟು ಪಾಲ್‌ಪಡೆದ್ ಇಲ್ಲಗ್ ಪಿರ ಪೋವೊಂದಿತ್ತಿನ ವಿದ್ಯಾರ್ಥಿನಿಗ್ ಶಾಲೆದ ಬಸ್ ಎಡ್ತ್‌ದ್ ಗಾತಿದ ಗಡಿಕುಲಾತಿನ ನಡಕೆ ಐತಾರ (ಸೆ. 15 ತಾನಿ) ಕಾಪು-ಶಿರ್ವ ಸಾದಿದ ಬಾಲಾಜಿ ರೆಸ್ಟೋರೆಂಟ್‌‌ದಲ್ಪ ನಡತ್‌ದ್ಂಡ್.
ಶಿರ್ವ ನಿವಾಸಿ ಜೋಸೆಫ್‌ ಮಸ್ಕರೇನಸ್‌‌ರೆನ ಮಗಲ್ ಮರ್ಲಿನ್‌ ಮಸ್ಕರೇನಸ್‌ (12) ಪೆಟ್ಟಾತಿನ ಪೊಣ್ಣು .ಶಿರ್ವ ಡಾನ್‌ ಬೊಸ್ಕೊ ಆಂಗ್ಲ ಮಾಧ್ಯಮ ಶಾಲೆಡ್ 7ನೇ ಕ್ಲಾಸ್ ಓದೊಂದುಪ್ಪುನ ಮೋಲು ಶಾಲೆದ ಅನುವು ಇತ್ತ್‌ದ್ ಎರ್ಮಾಳ್‌ಡ್ ನಡತಿನ ‘ಮಾನವ ಸರಪಳಿ’ ಕಾರ್ಯಕ್ರಮೊಟು ಪಾಲ್‌ಪಡೆದಿತ್ತಲ್. ಶಾಲೆದ ಬಸ್‌ಡ್ ಪಿರ ಬತ್ತ್‌ದ್ ಆಲ್ ತನ್ನ ಇಲ್ಲದಲ್ಪ ಜತ್ತ್‌ದ್ ಬಸ್‌ದ ಎದುರುಡು ಬಲತ ಮರ್ಗಿಲ್‌ಡುಪ್ಪುನ ತನ್ನ ಇಲ್ಲಗ್ ಬನ್ನಗ ಬಸ್‌ದ ಪಿರವುಡೆ ಬತ್ತಿನ ಕುಡೊಂಜಿ ಬಸ್ ಓವರ್‌ಟೇಕ್‌ ಮನ್ಪುನ ಬರಸ್‌ಡ್ ಬತ್ತ್‌ದ್ ಪೊಣ್ಣಗ್ ಎಡ್ತ್‌ದ್ಂಡ್.
ಎಡ್ತಿನ ಪೆಟ್ಟ್‌ಗ್ ಪೊಣ್ಣನ ತಿಗಲೆದ ಗೂಡ್, ತರೆ ,ಕಣ್ಣ್ ಬೊಕ್ಕ ಬರತ ಪುಗೆಲ್‌ಗ್ ಗಾತಿದ ಗಡಿಕುಲಾದಿತ್ತ್‌ದ್, ಒಡಿಪುದ ಖಾಸಗಿ ಆಸ್ಪತ್ರೆಡ್ ಮರ್ದ್ ಮಲ್ತೊಂದುಲ್ಲೆರ್. ಪೊಣ್ಣನ ಅಮ್ಮೆರ್ ಕೊರ್ತಿನ ಒಯಿಲ್‌ದ ಪ್ರಕಾರ ಬಸ್ ಡ್ರೈವರ್ ಅಬ್ದುಲ್‌ ಬಶೀರ್‌‌ನ ಮಿತ್ತ್ ಶಿರ್ವ ಸ್ಟೇಶನ್‌ಡ್ ಪ್ರಕರಣ ದಾಕಲಾತ್ಂಡ್