Last updated on September 5th, 2024 at 12:27 pm
ಇಂಚಿಪೊದ ದಿನೊಟು ರಾತ್ರೆದ ಪೊರ್ತುಡು ಪೆರ್ಸಾದಿಲೆಡ್ ಜೆತ್ತುಪ್ಪುನ, ಅಂಚಿಂಚಿ ಪೋವೊಂದುಪ್ಪುನ ಕೈಕಂಜಿಲು ಬರಸ್‌ಡ್ ಪೋಪುನ ಗಾಡಿಲೆನ ಡ್ರೈವರ್‌ಲೆನ ಗುಮನೊಗು ಬರಂದೆ ಎಡ್ತ್‌ದ್ ಸೈಪುನ ಅತ್ತ್ಂಡ ಪೆಟ್ಟಾದ್ ನಡಪೆರಾವಂದಿ ಲೆಕ ಆಪುನ ಮಾತ ತೂವರೆ ತಿಕ್ಕುಂಡು. ಗಾಡಿಲೆನ ಹೆಡ್‌ಲೈಟ್‌ದ ಬೊಲ್ಪುಗು ದೂರೊರ್ದೇ ಈ ಕೈಕಂಜಿಲು ತೋಜೆರೆ ಬೋಡಾದ್ ಕೂಳುರು, ಪಣಂಬೂರು, ಬೈಕಂಪಾಡಿ ಅಂಚೆನೇ ತನ್ರಾಯಿ ವಲಯೊಲೆಡ್ ಕೈಕಂಜಿಲೆಗ್ ರೇಡಿಯಂ ರಿಫ್ಲೆಕ್ಟರ್ ಮಾಲೆಲೆನ್ ಪಾಡುನ ಜನ ಜಾಗೃತಿ ಅಭಿಯಾನೊನು ಸೆಪ್ಟೆಂಬರ್ 4 ತಾನಿ ತುಳುನಾಡ ತುಳುವೆರ್ ಸಂಘಟನೆರ್ದ್ ಮಲ್ತೆರ್. ಈ ಕಾರ್ಯಕ್ರಮ ಯಶಸ್ವಿಯಾದ್ ನಡತಿತ್ತ್‌ದ್ ಈ ಕಜ್ಜೊಡು ಸಂಘಟನೆದ ಸ್ಥಾಪಕಾಧ್ಯಕ್ಷೆರ್ ಆಕಾಶ್ ಹೆಚ್ ಕರ್ಕೇರ, ಸಂಘಟನೆದ ಗುರ್ಕಾರ್ದಿ ಶ್ರೀಮತಿ ಸಂಧ್ಯಾ, ಕಾರ್ಯಂತೆರ್ ಭರತ್ ಬಲ್ಲಾಳ್‌ಬಾಗ್, ಸಂಯೋಜಕೆ ಪವನ್, ಪಣವುದ ಪಾಲವೆರ್ ಮಿನಿತ ಅಂಚೆನೇ ಸಂಘಟನೆದ ಪದುಕೆರ್ ಕೈ ಗೋಡ್ಯಾಯೆರ್.