Last updated on September 18th, 2024 at 06:31 am
ಕುಡ್ಲ: ಪೊಂಜೊವುಲೆನ ಒಟ್ಟುಗು ನಾಟಕ ಮಲ್ತ್‌ದ್ ಪಾಸಾಡಿ ಆದ್ ಅಕಲೆನ ಒಟ್ಟುಗು ಸಂಪರ್ಕ ಬುಲೆಪಾದ್ ಅಕಲೆರ್ದೇ ಪದ್ದೈ ಬಂಗಾರ್ ಕಂಡೊಂದಿತ್ತಿನ ಕಲ್ವೆ, ರಿಟೈರ್‌ಡ್ ಪಿಡಿಒ ಒರ್ಯನ್ ಕೆರ್ತಿನ ಆರೋಪಿನ್ ಕಂಕನಾಡಿ ಪೊಲೀಸೆರ್ ಕೈದ್ ಮಲ್ದೆರ್.
ಕಾರ್ಲ ಬೊಳ್ಮಣ್ಣ್‌ದ ರೋಹಿತ್‌ ಮಥಾಯಿಸ್‌ (33) ಕೈದಾತಿನ ಆರೋಪಿ. ಉಂಬ್ಯೆ 2021ತ ಡಿಸೆಂಬರ್‌ ತಿಂಗೊಳ್ದ ಸುರೂತ ವಾರೊರ್ದು ಕುಲಶೇಖರೊದ ಪೊಂಜೊವು ಒರ್ತಿಡ ಪಾಕ ತಿಂಗೊಲು ಎಡ್ಡೆಡೇ ಇತ್ತ್‌ದ್, ಆಲೆನೊಟ್ಟುಗೇ ವಾಸ ಇತ್ತ್‌ದ್, ಬೊಕ್ಕ ಆಲೆನ ಇಲ್ಲರ್ದೇ ಪದ್ದೈ ಬಂಗಾರ್ ಬೊಕ್ಕ ಪಣವು ಕಂಡ್‌ದ್ ಪದ್ರಾಡಾದಿತ್ತೆ. ಈ ಬಗೆಟ್ ಪ್ರಕರಣ ದಾಕಲಾದಿತ್ತ್ಂಡ್.
ಬಂಗಾರ್‌ಗ್ ಬೋಡಾದ್ ಕೊಲೆ:
ರೋಹಿತ್‌ ಮಥಾಯಿಸ್‌ 2019ಡ್ ಬೊಳ್ಮಣ್ಣ್‌ಡ್ ಬರಿತ ಇಲ್ಲದಾರೇ ಆಯಿನ ರಿಟೈರ್‌ಡ್ ಪಿಡಿಒ ಭರತಲಕ್ಷ್ಮೀ ಪನ್ಪಿನಾರೆನ್ ಒಂತೆ ಜನೊತ ಒಟ್ಟುಗು ಕೂಡೊಂದು ಬಂಗಾರ್‌ಗ್ ಬೋಡಾದ್ ಕೆರ್ದ್ ಪುಣೊನು ಗೂವೆಲ್‌ಗ್ ಪಾಡ್ದಿತ್ತೆ. ಕರ್ಪಿಲ್ಲ್‌ಡ್ ಒಂತೆ ದಿನ ಕರಿತ್‌ದ್ ಬೊಕ್ಕ ನ್ಯಾಯಂತಡಘತ ವಿಚಾರಣೆಗ್ ಬರಂದೆ ದೆಂಗ್‌ತಪ್ಪಾದಿತ್ತೆ.
ಕುಡೊಂಜಿ ಪುನೆಪುಡುಪ್ಪುನಗ ತಿಕ್ಕ್‌ದ್ ಬೂರ್ಯೆ:
ಆರೋಪಿ ರೋಹಿತ್‌ ಕುಲಶೇಖರಡ್ ಕಂಡ್‌ದ್ ಸೀದಾ ಮುಂಬಯಿಗೆ ಪೋದಿತ್ತೆ. ಇಂಚೆನೇ ನನಲಾತ್ ಪೊಂಜೊವುಲೆಗ್ ದಗೆ ಮನ್ಪೆರೆ ಯೋಜನೆ ಪಾಡ್ದಿತ್ತೆ. ಒರ್ತಿ ಪೊಂಜೊವು ಉಂಬ್ಯನ ಬೇಪುಗು ಬೂರ್ದಿತ್ತ್‌ದ್, ಆರೆಗ್ ಸಂಶಯೊ ಬತ್ತಿತ್ತ್‌ದ್, ಆರೆನ ಮುಕೇನ ಪೊಲೀಸೆರ್ ಆರೋಪಿನ್ ಕೈದ್ ಮಲ್ದೆರ್. ಆರೋಪಿನ ಕೈರ್ದ್ 7 ಲಕ್ಷ ರೂ. ಮೌಲ್ಯೊದ ಬಂಗಾರ್ ಪೊಲೀಸೆರ್ ವಶ ಮಲ್ತೊಂದೆರ್.