ಕುಡ್ಲ : ಕಾಸ್ ಕೊರ್ಪೆ ಬರ್ಪನಾ ಪನ್ದ್ ಕೇಂಡಿನ ಅಂಜೊವುನ ಅಂಗಿ ಬಿಚ್ಚಾದ್ ನಾಲ್ ಪೆಟ್ಟ್ ಪಾಡ್ದ್ ಪೋಲಿಸೆರೆಗ್ ಒಪ್ಪಾಯಿನ ಪೊಣ್ಣುಲು

Last updated on September 25th, 2024 at 10:42 am

ತಾದಿಡ್ ನಡತೊಂದು ಪೋಪೊಂದಿತ್ತಿನ ಪೊಣ್ಣುಲೆಗ್ ಕಿರುಕುಳ ಕೊರಿನ ಗುರ್ತದಾಂತಿನಾಯನ ವಿರುದ್ದ ಕುಡ್ಲದ ಪೊಂಜೊವುಲೆನ ಪೋಲೀಸ್ ಸ್ಟೇಷನ್‌ಡ್ ಒಯಿಲ್ ಆತ್ಂಡ್.

ಕುಡ್ಲದ ನವಭಾರತ್ ಸರ್ಕಲ್‌ದ ಕೈತಲ್ ಪೊಣ್ಣುಲು ನಡತೊಂದು ಪೋನಗ ಆರೋಪಿ ಕೈತಲ್ ಬತ್ತ್ “ಕಾಸ್ ಕೊರ್ಪೆ ಬರ್ಪರಾ..” ಪನ್ದ್ ಕೇನ್ದೆ ಪನ್ದ್ ಪೊಣ್ಣುಲು ಆರೋಪ ಮಲ್ದೆರ್.

ಉಂದೆರ್ದ್ ಪಿಸಿರಾಯಿನ ಪೊಣ್ಣುಲು ಆಯನ್ ಪತ್ತ್‌ದ್ ಆಯಗ್ ಮಂಗಳಾರತಿ ಮಲ್ದೆರ್. ಆಯನ ಅಂಗಿ ಬಿಚ್ಚಾದ್ ಆಯನ್ ಪೋಲೀಸೆರೆಗ್ ಒಪ್ಯಾದೆರ್. ಈ ದಿಸೆಟ್ ಪಾಂಡೇಶ್ವರ ಪೋಲೀಸ್ ಸ್ಟೇಷನ್‌ಡ್ ಪ್ರಕರಣ ದಾಖಲಾತ್ಂಡ್. ಅನ್ಜೋವುನ ಪುದರ್ ಶಬರಿ ಪನ್ದ್ ತೆರಿದ್ ಬೈದ್ಂಡ್.