Last updated on September 2nd, 2024 at 12:31 pm
ಕುಡ್ಲದ ಅಳಪೆ ಪಡೀಲ್ ದಲ್ಪ ಶನಿವಾರ ಬಯ್ಯಡ್ ಬಾಲೆದ ಕಿಡ್ನಾಪ್ ಪ್ರಕರಣೊನು ಕಾಲಿ ರಡ್ಡ್ ಗಂಟೆಡ್ ಕಂಕನಾಡಿ ಪೋಲೀಸೆರ್ ನಾಡ್ ಪತ್ತಿಯೆರ್.
ಪೋಲೀಸೆರ್ ಮಲ್ತಿನ ಕಾರ್ಯಾಚರಣೆಡ್ ಎರ್ನಾಕುಲಂ ಜಿಲ್ಲೆದ ಅನೀಶ್ ಕುಮಾರ್(49) ಪನ್ಪಿನ ಜನನ್ ಅರೆಸ್ಟ್ ಮಲ್ದೆರ್. ಈ ಜನಕ್ ಇತ್ತೆ ನ್ಯಾಯಾಂಗ ಬಂಧನ ಆತ್ಂಡ್.
ತನ್ಕ್ ಪೊಣ್ಣು ಬಾಲೆ ದಾಂತಿನೆರ್ದಾವರ ತಾನ್ ಈ ಬಾಲೆನ್ ಲೆತೊನ್ದು ಪೋಯಿನಿ ಪನ್ದ್ ಆರೋಪಿ ಪೋಲೀಸ್ ಜಡ್ತೆದ ಪೊರ್ತು ಬಾಯಿ ಬುಡ್ತೆ. ಬಾಲೆ ತೋಜಂದೆ ಆತಿನ ಒಯಿಲ್ ಬತ್ತಿನೇ ಕಾರ್ಯಾಚರಣೆ ಸುರು ಮಲ್ತಿನ ಪೊಲೀಸೆರ್ ಕುಡ್ಲ ಜಂಕ್ಷನ್ ರೈಲು ಉಂತಡೆರ್ದ್ ಕಾಸರಗೋಡು ದಂಚಿ ಪೋಪಿನ ರೈಲ್‌ಡ್ ಆರೋಪಿ ಪೋತಿನ ಬಗೆಟ್ ಒಲವು ತಿಕ್ಕ್‌ದ್ ಕಾಸರಗೋಡು ಪೋಲೀಸೆರೆಗ್ ತೆರಿಪಾದ್ ಆರೋಪಿನ್ ಅರೆಸ್ಟ್ ಮಲ್ತ್ ಬಾಲೆನ್ ರಕ್ಷಣೆ ಮಲ್ದೆರ್.