Last updated on September 23rd, 2024 at 11:36 am
ಪೊಸದೆಲ್ಲಿಡ್ ಶ್ರಧ್ದಾ ವಾಲ್ಕರ್ ಪನ್ಪಿನ ಪೊಣ್ಣನ್ ಅಲೆನ ಲವ್ವರ್ 35 ತುಂಡು ಮಲ್ತ್ ಕೆರ್ತಿನ ನ್ಯೂಸ್ ಬಾರೀ ಗದ್ದಲ ಮಲ್ದಿತ್ತ್ಂಡ್. ಇತ್ತೆ ಅಂಚಿನನೇ ನಡಕೆ ಬೆಂಗಳೂರುಡುಲಾ ತೋಜಿದ್ ಬೈದ್ಂಡ್.
ಬೆಂಗಳೂರುದ ಮಾಲ್ ಒಂಜೆಟ್ಟ್ ಸೇಲ್ಸ್ ಗರ್ಲ್ ಆದ್ ಬೇಲೆ ಮಲ್ತೊಂದಿತ್ತಿನ ಮಹಾಲಕ್ಷ್ಮಿ ಪನ್ಪಿನ ಪೊಣ್ಣನ್ 50 ತುಂಡು ಮಲ್ತ್ ಕೆರ್ತಿನ ನಡಕೆ ಪೋಲೀಸ್ ಜಡ್ತೆಡ್ ಬೊಲ್ಪುಗು ಬೈದ್ಂಡ್.
ಅವ್ವತ್ತಂದೆ ಅಲೆನ ಪಾಲಾಡಿಯೇ ಕೆರ್ದ್ ಬಲ್ದಿನ ಬಗೆಟ್ ಶಂಕೆ ಉಂಡು. ಆಯನ ಮೊಬೈಲ್ ಲಾ ಇತ್ತೆ ಸ್ಪಿಚ್ ಆಫ್ ಆತ್ಂಡ್. ಅಂಚಾದ್ ಪೋಲೀಸೆರ್ ಆಯನ ಮಿತ್ತ್ ಅನುಮಾನ ಮಲ್ದೆರ್. ಉಂದೇ ಪೊರ್ತುಡು ತೀರಿನ ಪೊಣ್ಣನ ಕಂಡನೆ ಹೇಮಂತ್ ದಾಸ್ ನೆಲಮಂಗಲದ ಅಶ್ರಫ್ ಪನ್ಪಿನಾಯನ ಮಿತ್ತ್ ಅನುಮಾನ ಮಲ್ತ್ ಪೋಲೀಸೆರೆಗ್ ತೆರಿಪಾದೆರ್.
50 ರ್ದುಲಾ ಎಚ್ಚಿನ ಪೀಸ್ ಆತ್ನ ಜೀವೊದ ಪೋಸ್ಟ್ ಮಾರ್ಟಂ ಮಲ್ಪುವನೇ ಮಲ್ಲ ಸವಾಲ್ ಬೈದ್ಯೆರೆಗ್ ಆಂಡ್. ಶಿವಾಜಿನಗರದ ಬೌರಿಂಗ್ ಆಸ್ಪತ್ರೆಡ್ ರಡ್ಡ್ ಗಂಟೆ ಪೋಸ್ಟ್ ಮಾರ್ಟಂ ನಡತ್ಂಡ್ ಪನ್ದ್ ತೆರಿದ್ ಬೈದ್ಂಡ್.
ವೀರಣ್ಣ ಆಶ್ರಮೊಡು ಪೊಣ್ಣನ್ ಕೆರ್ದ್ ಅಲೆನ ಜೀವೊನು ತುಂಡು ಮಲ್ತ್ ಅವೆನ್ ಫ್ರಿಡ್ಜ್ ಡ್ ದೀದಿತ್ತೆ ಪನ್ದ್ ಒಲವು ತಿಕ್ಕ್ಂಡ್. ಸುಮಾರ್ 15-20 ದಿನ ದುಂಬೇ ಕೆರ್ತಿನ ಸಾಧ್ಯತೆ ಉಂಡು. ಸೈತಿನ ಪೊಣ್ಣು 29 ವರ್ಸದ ನೇಪಾಳ ಮೂಲದ ಮಹಾಲಕ್ಷ್ಮಿ ಪನ್ದ್ ಉಂಡು.