Last updated on September 14th, 2024 at 05:57 pm
ಬಜ್ಪೆ: ಬೇಲೆ ಮಲ್ತೊಂದಿತ್ತಿನ ಇಲ್ಲದ ಉಲಯಿ ಬತ್ತಿತ್ತಿನ ಪಿಲಿಕಂದೊಡಿದ ಕಿನ್ನಿನ್ ಬಜಿ ಕೈ ಟ್ ಪತ್ತೆರೆ ಪೋನಗ ಕೈಕ್ ಪಿಲಿಕಂದೊಡಿ ತುಚ್ಚಿದ್ ಆಂಜೊವು ಒರಿ ತೀರ್ದಿನ ನಡಕೆ ಬಜ್ಪೆ ಪೋಲೀಸ್ ಸ್ಟೇಷನ್‌ ಸೀಮೆದ ಮರವೂರು ಪನ್ಪಿನಲ್ಪ ನಡತ್‌ದ್ಂಡ್.
ತೀರ್ದಿನ ಜನ ರಾಮಚಂದ್ರ ಪೂಜಾರಿ (55) ಬಂಟ್ವಾಳದ ಕುರಿಯಾಳದಾರಾದಿತ್ತ್‌ದ್ ಮರವೂರುದ ಒಂಜಿ ಇಲ್ಲಡ್ ಪಾಕ ವರ್ಸೊರ್ದಿಂಚಿ ಬೇಲೆಗ್ ಇತ್ತೆರ್. ಸೆ.4ತಾನಿ ಮಧ್ಯಾಹ್ನದ ಪೊರ್ತುಡು ಇಲ್ಲದುಲಯಿ ಬತ್ತಿನ ಪಿಲಿಕಂದೊಡಿದ ಕಿನ್ನಿನ್ ಬಜಿ ಕೈಟ್ ಪತ್ತೆರ ಪೋನಗ ಅವು ರಾಮಚಂದ್ರ ಪೂಜಾರ್ಲೆನ ಕೈಕ್ ತುಚ್ಚಿದ್ಂಡ್. ಕುಡ ಪತ್ಯೆರ ಪೋನಗ ಕುಡೊರ ತುಚ್ಚಿದ್ಂಡ್ ಪಂದ್ ತೆರಿದ್ ಬೈದ್ಂಡ್. ಈ ನಡಕೆನ್ ಗೋಸ್ಮರಿ ಮಲ್ತಿನ ರಾಮಚಂದ್ರೆರ್ ಒವ್ವೇ ಮರ್ದ್ ಗೆತೊಂದಿಜ್ಜಂಡ್. ಬಯ್ಯದ ಪೊರ್ತುಡು ವಿಷ ಏರ್ದ್ ತರೆ ತಿರ್ಗೆರ ಪತ್ತ್‌ನಗ ಮರ್ದ್‌ಗ್ ಆಸ್ಪತ್ರೆಗ್ ದಾಕಲಾದಿತ್ತ್‌ದ್ ಸೆ.9 ದಾನಿ ತೀರ್ದೆರ್. ಈ ಬಗೆಟ್ ಬಜ್ಪೆ ಪೋಲೀಸ್ ಸ್ಟೇಷನ್‌ಡ್ ಅಸಹಜ ಸಾವು ಪ್ರಕರಣ ದಾಕಲಾತ್ಂಡ್.