ಅಸ್ಸಾಮ್‌ದ ನಾಲ್ ಜಿಲ್ಲೆಲೆಡ್ ‘ಮಣಿಪುರಿ’ ಭಾಷೆ ಅಧಿಕೃತ ಭಾಷೆಯಾದ್ ಘೋಷಣೆ

Last updated on September 1st, 2024 at 02:06 pm

ರಾಜ್ಯೊಡು ನೆರೆಕರೆತ ಭಾಷೆಲೆನ್ ಒಟ್ಟು ಸೇರ್ಪಾವುನ ಅಂಚೆನೇ ಭಾಷಾ ಸಮಾನತೆನ್ ದೆರ್ತ್ ಪತ್ತೆರ, ಅಸ್ಸಾಮ್ ರಾಜ್ಯ ಕರಿನ ಆಗಸ್ಟ್ 29,  ಗುರುವಾರದಾನಿ ತನ್ನ ರಾಜ್ಯೊದ ನಾಲ್ ಜಿಲ್ಲೆಲೆಡ್ ‘ಮಣಿಪುರಿ’ ಭಾಷೆನ್ ಎಚ್ಚಿಗೆದ ಅಧಿಕೃತ ಭಾಷೆಯಾದ್ ಘೋಷಣೆ ಮಲ್ಪುನ Assam Official Language (Amendment) Bill, 2024 ನ್ ಪಾಸ್ ಮಲ್ದ್ಂಡ್.

ಬರಾಕ್ ವ್ಯಾಲಿಡ್ ಇಪ್ಪುನ ಮಣಿಪುರಿ ಪಾತೆರುನ ಜನೊಕ್ಲೆನ ವರ್ಸಗಟ್ಟಲೆದ ಕೇನ್ಪುರ್ದಾವರ ಅಸ್ಸಾಮ್ ಸರ್ಕಾರ ಈ ನಿರ್ಧಾರೊಗು ಬೈದ್ಂಡ್.

The Assam Official Language (Amendment) Bill-2024ನ್ ಮುಖ್ಯಮಂತ್ರಿ ಹಿಮಂತ ಬಿಸ್ವಾ ಸರ್ಮೆರೆನ ಪರವಾದ್ ಸಂಸದೀಯ ವ್ಯವಹಾರೊಲೆನ ಸಚಿವೆ ಪಿಜುಷ್ ಹಜಾರಿಕಾ ಮೇರ್ ಆಗಸ್ಟ್ 22 ತಾನಿ ಸದನೊಗು ಕನತಿತ್ತೆರ್. ಈ ಬಿಲ್ಲ್, ಮಣಿಪುರಿ ಭಾಷೆಗ್ ಬರಾಕ್ ವ್ಯಾಲಿದ ಕಾಚಾರ್, ಹೈಲಕಂಡಿ, ಬೊಕ್ಕ ಕರೀಮ್ಗಂಜ್ ಪನ್ಪಿ 3 ಜಿಲ್ಲೆಲೆಡ್ ಅಂಚೆನೇ ಸೆಂಟ್ರಲ್ ಅಸ್ಸಾಮ್‌ದ ಹೊಜೈ ಜಿಲ್ಲೆಡ್ ಎಚ್ಚಿಗೆದ ಅಧಿಕೃತ ಭಾಷೆದ ಮಾನಾದಿಗೆ ಕೊರ್ತುಂಡು.