Last updated on September 28th, 2024 at 12:09 pm
ಕಾಸ್ರೋಡ್: ಎಂಡಿಎಂಎ ಮಾದಕ ಸೊತ್ತುದ ಒಟ್ಟುಗು ನಾಲ್ವೆರೆನ್ ಮಂಜೇಶ್ವರ ಪೊಲೀಸೆರ್ ಕೈದ್ ಮಲ್ದೆರ್. ಮೊಕಲೆನ ಕೈರ್ದ್ 29.4 ಗ್ರಾಂ ಎಂಡಿಎಂಎ ಮಾದಕ ಸೊತ್ತುನು ವಶೊಕು ಗೆತೊಂದೆರ್.
ಪೈವಳಿಕೆ ಬಾಯಿಕಟ್ಟೆರ್ದ್ ನಾಲ್ವೆರೆನ್ ಕೈದ್ ಮಲ್ತಿತ್ತ್‌ದ್, ಕಾರ್‌ನ್ ವಶೊಕು ಗೆತೊಂದೆರ್.
ಕೈದಾತಿನಕಲೆನ್ ಬಳ್ಳೂರ್‌ದ ಅಶ್ರಫ್ (21), ಕೊಡಿಬೈಲ್‌ದ ನವಾಝ್ ( 30), ಬೆಳ್ಳೂರ್‌ದ ಅಹಮ್ಮದ್ ಶಮ್ಮಾಸ್ (20) ಬೊಕ್ಕ ಬಂಟ್ವಾಳದ ಇಸಾಕ್ (20) ಪಂದ್ ಗುರ್ತಪತ್ತ್‌ದೆರ್.
ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಡಿ. ಶಿಲ್ಪಾ ಮೆರೆನ ಮಾರ್ಗದರ್ಶನೊಡು ಡಿವೈಎಸ್‌ಪಿ ಸುನಿಲ್ ಕುಮಾರ್ ಬೊಕ್ಕ ಮಂಜೇಶ್ವರ ಸಬ್ ಇನ್ಸ್‌ಪೆಕ್ಟರ್ ಮುತಾಲಿಕೆಡ್ ಪೊಲೀಸ್ ಕಾರ್ಯಾಚರಣೆ ನಡತ್‌ದ್ ಮೊಕಲೆನ್ ಕೈದ್ ಮಲ್ದೆರ್.