ಕುಡ್ಲ : ಕಾಲೇಜಿದ ಜೋಕುಲೆಗ್ಲಾ ದಸರ ರಜೆ ಕೊರ್ಲೆ – ಶಾಸಕೆ ವೇದವ್ಯಾಸೆರ್ ಆಗ್ರಹ

Last updated on September 26th, 2024 at 11:19 am

ಹಿಂದೂಲೆನ ಮಲ್ಲ ಪರ್ಬ ನವರಾತ್ರಿದ ಪೊರ್ತುಡು ಕುಡ್ಲ ವಿವಿದ ಕಾಲೇಜಿಲೆಗ್ ರಜೆ ಇಜ್ಜಿ ಪನ್ದ್ ಪಾಕ ವಿದ್ಯಾರ್ಥಿಲು ಅಂಚೆನೆ ಪೋಷಕೆರ್ ದೂರು ಕೊರೊಂದುಲ್ಲೆರ್. ರಾಜ್ಯ ಸರಕಾರ ಉಂದೆತ ಬಗೆಟ್ ಕ್ರಮ ದೆತೊನ್ದು ಕಾಲೇಜಿ ದ ಜೋಕುಲೆಗ್ಲಾ ದಸರಾ ರಜೆ ಕೊರೊಡು ಪನ್ದ್ ವೇದವ್ಯಾಸೆರ್ ಆಗ್ರಹ ಮಲ್ತೆರ್.

ಕುಡ್ಲ ದಸರಾದ ಅಂತರಾಷ್ಟ್ರೀಯ ಮಟ್ಟೊಡು ಪುಗಾರ್ತೆ ಪಡೆದ್ಂಡ್. ಕುಡ್ಲದ ದೇವಲ್ಯೊಲೆಗ್ ಲಕ್ಷ ಲಕ್ಷ ಜನ ಬರ್ಪೆರ್. ಈ ಪೊರ್ತುಡು ಜೋಕುಲೆಗ್ ರಜೆ ಕೊರ್ಜಿಡ ಜೋಕುಲೆನ ಗೌಜಿಗ್ ಅಡ್ಡ ಮಲ್ತಿಲೆಕ್ಕ ಆಪುಂಡು. ಕರಿನ ಬಿಜೆಪಿ ಸರಕಾರೊಡು ಎಂಕುಲು ಕಾಲೇಜಿಲೆಗ್ಲಾ ರಜೆ ಕೊರ್ಪಾದ. ಹಿಂದೂ ಧಾರ್ಮಿಕ ಭಾವನೆನ್ ಪಿರತೂವಂದೆ ಸರಕಾರ ರಜೆ ಕೊರೊಡು ಪನ್ದ್ ಪನ್ಡೆರ್.