Last updated on September 24th, 2024 at 01:31 pm
ಬೊಲ್ತೇರ್: ‘ಕಲ್ಜಿಗ’ ಪನ್ಪಿನ ಕನ್ನಡ ಪಿಚ್ಚರ್‌ಡ್ ದೈವ ಕೋಲದ ದೃಶ್ಯೊಲೆನ್ ನಲಿಕೆ ಸಮುದಾಯೊದಕುಲು ಮಲ್ದೆರ್ ಪಂದ್ ಚಿತ್ರ ತಂಡ ಕಲು ಪಂತಿನೆನ್ ಖಂಡಿತ್‌ದ್ ಅಂಚೆನೇ ದೈವನರ್ತಕೆರೆನ ಬಗೆಟ್ ಕಮೆಂಟ್ ಮುಕೇನ ಪೆದಂಬು ನೆರ್ತಿನ ಜನತ ಮಿತ್ತ್ ದಲಿತ ದೌರ್ಜನ್ಯ ಕಾಯ್ದೆದಡಿಟ್ ಪ್ರಕರಣ ದಾಕಲ್ ಮನ್ಪೊಡೂಂದು ಜಿಲ್ಲೆದ ನಲಿಕೆ ಸಮಾಜ ಬಾಂಧವೆರ್ ಸೆ 22. ತಾನಿ ಬೊಲ್ತೇರ್ ಪೊಲೀಸ್‌ ಸ್ಟೇಶನ್‌ಡ್ ಒಯಿಲ್ ಬರೆಪಾಯೆರ್.
ಈ ಪೊರ್ತುಡು ಬೊಲ್ತೇರ್ ತಾಲೂಕು ನಲಿಕೆದಕ್ಲೆನ ಸಮಾಜ ಸೇವಾ ಸಂಘೊದ ಗುರ್ಕಾರೆ ಪ್ರಭಾಕರ ಓಡಿಳ್ನಾಳ, ಸಂಘೊದ ಪದುಕೆರ್ ಸಂತೋಷ್ ನಾರಾವಿ, ದುಂಬುದ ಗುರ್ಕಾರೆ ಸೇಸಪ್ಪ ಅರ್ವ, ಪೆರಿಯ ದೈವ ನರ್ತಕೆ ವೀರಪ್ಪ ಈದು, ಗಿರಿಯಪ್ಪ ಎತ್ತೂರು, ಗೋಪಾಲ ಕೇಲ, ನಾರಾಯಣ ವೇಣೂರು, ಬಾಬು ಪೊಸಲಾಯ ಕಾಂತಪ್ಪ ಪೆರಿಂಜೆ, ರಮೇಶ್ ಪೆರಿಂಜೆ, ಪ್ರಮುಖೆರಾಯಿನ ಗಣೇಶ್ ಕೋಟ್ಯಾನ್ ಚಾರ್ಮಾಡಿ, ಹರೀಶ್ ನಾವೂರು, ಶೇಖ‌ರ್ ವಾಲ್ಪಾಡಿ, ಸಂಪತ್ ವಾಲ್ಪಾಡಿ, ನಾಗೇಶ್ ಒಡಿಪು, ರವಿ ಎಂ.ಎಲ್ ಮುಂಡಾಜೆ, ಜಯಂತ ಈದು ಬೊಕ್ಕ ನಲಿಕೆ ಸಮಾಜೊದ ಬಂಧುಲು ಒತ್ತುಪಾಲಿತ್ತೆರ್.
