ಕಟೀಲ್ ತುಲು ಲಿಪಿ ಪರೀಕ್ಷೆದ ಫಲಿತಾಂಶ

Last updated on September 16th, 2024 at 12:46 pm

ಕಟೀಲ್  : ಶ್ರೀ ದುರ್ಗಾಪರಮೇಶ್ವರಿ ದೇವಳ ಪದವಿ ಪೂರ್ವ ಕಾಲೇಜ್ ಕಟೀಲ್ ಬೊಕ್ಕ ಜೈ ತುಲುನಾಡ್ (ರಿ.) ಕೂಟದ ಮುತಾಲಿಕೆಡ್ ನಡತ್ತಿತ್ತಿನ “ಬಲೆ ತುಲು ಲಿಪಿ ಕಲ್ಪುಗ” ಕಜ್ಜಕೊಟ್ಯದ ತುಲು ಲಿಪಿ ಪರೀಕ್ಷೆ ದ ಫಲಿತಾಂಶ ಆಗಸ್ಟ್ 31 ತೇದಿದಾನಿ ಪ್ರಕಟ ಆಂಡ್.

ತುಲು ಲಿಪಿ ಪರೀಕ್ಷೆಡ್ ಖುಷಿ  (94 ಅಂಕ) ಬೊಕ್ಕ  ಅರ್ಪಿತಾ (94 ಅಂಕ) ಕಡೀರ ತಾನೊ , ಸುಶ್ಮಿತಾ ಎಸ್ (93 ಅಂಕ) ರಡ್ಡನೇ ತಾನೊ, ಯಶ್ವಿತಾ ಜೆ ಕೋಟ್ಯಾನ್ (91 ಅಂಕ) ಮೂಜಿನೇ ತಾನೊ ಪಡೆತೆರ್. ತುಲು ಲಿಪಿ ಪರೀಕ್ಷೆ ಆಗಸ್ಟ್ 10 ತೇದಿದಾನಿ ನಡತಿತ್ತ್ಂಡ್. ಪರೀಕ್ಷೆ ಬರೆಯಿನ ಮಾತಾ ಜೋಕುಲು ಎಡ್ಡೆ ಅಂಕೊಲೆನ್ ಪಡೆತೆರ್. ತುಲು ಲಿಪಿ ಕಜ್ಜಕೊಟ್ಯೊನು ಜೈ ತುಲುನಾಡ್(ರಿ.) ಕೂಟದ ಗುರ್ಕಾರ್ಲಾಯಿನ ಉದಯ್ ಪೂಂಜ ತಾರಿಪಾಡಿಗುತ್ತು, ತುಲು ಲಿಪಿ ಕಲ್ಪಾದಿಲು ಆಯಿನ ಕಿರಣ್ ತುಲುವೆ ನಡಪಾದ್ ಕೊರ್ದಿತ್ತೆರ್.