Last updated on September 3rd, 2024 at 11:19 am
ತುಳುನಾಡ್ ಡ್ ಕಡಲ್ ಜಪ್ಪುನ ಕಡೀರ್ ಡೇ ಮೀನ್ ಗ್ ಬರ ಬೈದ್ಂಡ್. ಕಡಲಾಯೆರ್ ಮೀನ್ ತಿಕ್ಕಂದೆ ಪಿರ ಬರೊಂದುಲ್ಲೆರ್.
ಮಲ್ಪೆ ಬಂದರ್ ಡ್ ದಿನೊಕು ಕೋಟ್ಯಾಂತರ ರೂಪಾಯಿದ ವೈವಾಟ್ ನಡಪುಂಡು. ಆಂಡ ಕರಿನ 15 ದಿನೊಟು ಏತೋ ಕೋಟಿ ನಷ್ಟ ಆತ್ಂಡ್. ಚೌತಿರ್ದ್ ಬೊಕ್ಕ ಎಡ್ಡೆ ಮೀನ್ ಬರ್ಪಿನ ಸಾಧ್ಯತೆ ಉಂಡು ಪನ್ದ್ ಮೀನುಗಾರೆರೆ ಸಂಘೋದ ಮಾಜಿ ಗುರ್ಕಾರ್ಲಾಯಿನ ಕೃಷ್ಣ ಸುವರ್ಣೆರ್ ಪನೊಂದುಲ್ಲೆರ್.
ಪಡ್ಡಾಯಿಗ್ ಪೋತಿನ ಬೋಟುಲು ಪೂರಾ ಕಾಲಿ ಕೈಟ್ ಬರೊಂದುಲ್ಲ. ಈ ಮೀನ್ ದ ಬರೊತ ನಿವಾರಣೆಗ್, ಉಚ್ಚಿಲ ಮಹಾಲಕ್ಷ್ಮಿ, ಕಾಪು ಮಾರಿಯಪ್ಪೆ, ಬೊಬ್ಬರ್ಯ ದೈವೊಗು ವಿಶೇಷ ಪ್ರಾರ್ಥನೆನ್ ಮಲ್ದೆರ್. ಸಾಮಾನ್ಯವಾದ್ ಬಂಗುಡೆ ಕೆಜಿಗ್ 100-150ರೂ ಗ್ ಏಲಂ ಆಪುಂಡು. ಆಂಡ ಮೊರನಿ ಪರ್ಸಿನ್ ಬೋಟ್ ಒಂಜೆಟ್ಟ್ ತಿಕ್ಕಿನ ಬಂಗುಡೆ ಕೆಜಿಗ್ 402ರೂ ಗ್ ಏಲಂ ಆಯಿನ ದಾಖಲೆ ಆದುಂಡು.