Last updated on September 11th, 2024 at 06:49 pm
ಕುಡ್ಲ: ಪೇಂಟೆದ ಕಾರ್ ಸ್ಟ್ರೀಟ್ ಮುಖ್ಯ ಸಾದಿಡ್ ಸ್ಟ್ರೀಟ್‌ಲೈಟ್ ಕುಂದ ಬುದಾರದಾನಿ ಒರರ್ದ್ ಒರಾನೆ ಪೊಲಿದ್ ಬೂರ್ದ್ಂದ್. ಕುಡ್ಲ ಮಹಾನಗರ ಪಾಲಿಕೆದ ಸ್ಮಾರ್ಟ್ ಸಿಟಿ ಯೋಜನೆದಡಿಟ್ ಪಾಡ್ದಿತ್ತಿನ ಈ ಕುಂದ ಬುದಾರ ಮಧ್ಯಾಹ್ನ ಪೊಲಿದ್ ಬೂರ್ದ್ಂಡ್.
ಕುಂದ ಫುಟ್‌ಪಾತ್‌ದ ಕುಡೊಂಜಿ ಮರ್ಗಿಲ್‌ಗ್ ಪೊಲಿದೊ ಬೂರ್ದೆದ್ಂಡ್. ಓಲ್ಲಾ ಸಾದಿಗ್ ಬೂರ್ದುಂಡ ಗಾಡಿಲು ಞಕ್ಕೆ ಆಪಿನೆತ ಒಟ್ಟುಗು ಜೂವಹಾನಿ ಆಪಿನ ಪಡಾಯಿ ಇತ್ತ್ಂಡ್ ಪಂದ್ ಮುಟ್ಟದಕುಲು ಒಲವು ಕೊರ್ತೆರ್. ಕುಡ್ಲ ನಗರ ಪಾಲಿಕೆದ ಸ್ಮಾರ್ಟ್ ಸಿಟಿ ಯೋಜನೆದಡಿಟ್ ಮುಲ್ಪದ ಮೈನ್‌ರೋಡ್‌ನ್ ಅಗೆಲ ಮಲ್ತ್‌ದ್ ನೇಲ್ಯ ಸಿಂಗಾರೊದ ಕುಂದೊಲೆನ್ ಸ್ಟ್ರೀಟ್ ಲೈಟ್‌ಲೆಗ್ ಪಾಡ್ದಿತ್ತೆರ್. ಆಂಡ ಇತ್ತೆ ಕುಂದ ಪೊಲಿದ್ ಬೂರ್ದಿನೆರ್ದಾವರ ಒರಿನ ಕುಂದೊಲು ಏತ್ ಗಟ್ಟಿ ಉಲ್ಲ, ಏತ್ ದಿನ ನಿಡ್ಪ ಉಂತುವ ಪನ್ಪಿನ ಕೇನ್ಪುಲು ಲಕ್ಕ್‌ದ. ನೂದು ನೂದು ಕೋಟಿ ರೂಪಾಯಿಲೆನ ಸ್ಮಾರ್ಟ್ ಸಿಟಿ ಯೋಜನೆದಡಿಟ್ ಪಾಕ ಕಾಮಗಾರಿಲು ಕುಡ್ಲಡ್ ಅವುಲವುಲು ನಡತೊಂದಿತ್ತ್‌ದ್ ಎಚ್ಚಿನ “ಕಾಮಗಾರಿಲು ಅವೈಜ್ಞಾನಿಕವಾದಿತ್ತ್‌ದ್ ಜನೊಕ್ಲೆನ ಸುಂಕೊದ ಕಾಸ್ ಬೊಲ್ಲಗ್ ಪೋನೊಂದುಂಡು” ಪನ್ಪಿನ ಆರೋಪೊಲು ಕೇಂದ್ ಬರೊಂದುಲ್ಲ.