Last updated on September 4th, 2024 at 10:01 am
ಚೌತಿದ ಲೆಕ್ಕೊಡು ನಡಪುನ ಮೆರವಣಿಗೆಡ್ ದೈವಾರಾಧನೆಗ್ ಸಂಬಂಧಿತಿನ ಸ್ಥಬ್ಧಚಿತ್ರ/ಟ್ಯಾಬ್ಲೋಲೆನ್ ಬ್ಯಾನ್ ಮನ್ಪೆರ ಸಂಘಟನೆದ ಮುಕೇನ ಲೆಪ್ಪು ಕೊರೊಡು ಪಂಡ್‌ದ್ ತುಳುನಾಡ ದೈವಾರಾಧನೆ ಸಂರಕ್ಷಣಾ ವೇದಿಕೆ (ರಿ.) ದಕುಲು ವಿಶ್ವ ಹಿಂದೂ ಪರಿಷತ್‌ದಕಲೆಡ ಬಿನ್ನೈತೊಂಡೆರ್.
ವಿಶ್ವ ಹಿಂದೂ ಪರಿಷತ್ ಜಿಲ್ಲಾ ಕಾರ್ಯಾಲಯ ಕದ್ರಿಡ್ ಕೊರ್ನ ಈ ಬಿನ್ನಪುಗು ಹಿಂದೂ ಧರ್ಮೊದ ಅವಿಭಾಜ್ಯ ನಂಬಿಕೆಯಾದುಪ್ಪುನ ದೈವೊಲೆನ್ ಟ್ಯಾಬ್ಲೋಲೆಡ್ ತೂಪಾವುನೆನ್ ಸಂಘಟನೆ ಒತ್ತೊನುಜಿ. ಈ ಬಗೆಟ್ ಜಿಲ್ಲೆರ್ದ್ ಸಂಘಟನೆದ ಪ್ರಮುಖೆರೆಗ್, ಕಾರ್ಯಕರ್ತೆರೆಗ್, ಕಾರ್ಯಕ್ರಮೊದ ಆಯೋಜಕೆರೆಗ್ ಸ್ಪಷ್ಟ ಸೂಚನೆ ಕೊರ್ಪ ಪಂಡ್‌ದ್ ಸಂಘಟನೆದ ಪ್ರಮುಖೆರ್ ಪಾತೆರ ಕೊರ್ತೆರ್.
ವಿಶ್ವ ಹಿಂದೂ ಪರಿಷತ್ತ್‌ದ ಜಿಲ್ಲಾಧ್ಯಕ್ಷೆರ್ ಶ್ರೀ ಎಚ್.ಕೆ ಪುರುಷೋತ್ತಮೆರ್, ವಿಎಚ್‌ಪಿ ಪ್ರಾಂತ ಸೇವಾ ಸಹ ಪ್ರಮುಖ್ ಶ್ರೀ ಗೋಪಾಲ್ ಕುತ್ತಾರ್, ಜಿಲ್ಲಾ ಕಾರ್ಯಂತೆರ್ ಶ್ರೀ ರವಿ ಅಸೈಗೋಳಿ, ಜಿಲ್ಲಾ ಉಪಾಧ್ಯಕ್ಷೆರ್ ಶ್ರೀ ಸಂಜೀವ ಸೂಟರ್‌ಪೇಟೆ, ಭಜರಂಗದಳ ವಿಭಾಗ ಸಂಯೋಜಕೆ ಶ್ರೀ ಪುನೀತ್ ಅತ್ತಾವರ ಬೊಕ್ಕ ದೈವಾರಾಧನೆ ಸಂರಕ್ಷಣಾ ವೇದಿಕೆದ ಅಧ್ಯಕ್ಷೆರ್ ಶ್ರೀ ಭರತ್ ಬಳ್ಳಾಲ್ ಬಾಗ್, ಕಾರ್ಯಂತೆರ್ ಶ್ರೀ ಗಿರೀಶ್ ಸುವರ್ಣ ಮೂಲ್ಕಿ, ಪದುಕೆರಾಯಿನ ಶ್ರೀ ಮಹೇಶ್ ಅಮೀನ್, ಶ್ರೀ ಸಂತು ಅನಂತಾಡಿ ಒತ್ತುಪಾಲ್‌ಡಿತ್ತೆರ್.