ಬಳ್ಳಾರಿ : ಅರುಣಾಬ್ಜ ಕವಿನ ತುಳು ಮಹಾಭಾರತದ ಬಗೆಟ್ ವಿಶೇಷ ಉಪನ್ಯಾಸ

Last updated on October 16th, 2024 at 07:19 am

ತುಳು ಬಾಸೆ ಕಾಲಿ ಬಾಯಿ ಪಾತೆರೊದ ನುಡಿ ಆವಂದೆ 13-14ನೇ ಶತಮಾನೊಡೇ ಬರೆಪಿನ ಒರುತ ಸಾಹಿತ್ಯ ಪ್ರಕಾರೊಡ್ಲಾ ಎಡ್ಡೆ ಬುಲೆದಿತ್ತ್ಂಡ್ ಪನ್ಪಿನೆಕ್ಕ್ ಅರುಣಾಬ್ಜ ಕವಿನ ತುಳು ಮಹಾಭಾರತನೇ ಸಾಕ್ಷಿ ಪನ್ದ್ ಡಾ. ಧನಂಜಯ ಕುಂಬ್ಳೆ ಪನ್ಡೆರ್.

ಹಂಪಿ ಕನ್ನಡ ವಿಶ್ವವಿದ್ಯಾಲಯೊಟು ಭಾಷಾಂತರ ಅಧ್ಯಯನ ವಿಭಾಗ ಮಲ್ತಿನ ವಿಶೇಷ ಉಪನ್ಯಾಸ ಕಜ್ಜೊಡು “ಅರುಣಾಬ್ಜ ಕವಿನ ತುಳು ಮಹಾಭಾರತ” ಪನ್ಪಿನ ವಿಷಯದ ಬಗೆಟ್ ಆರ್ ಪಾತೆರ್ದ್, ‘ಈ ಕೃತಿಟ್ ಸಂಸ್ಕೃತ ಮಹಾಭಾರತದ ಆದಿಪರ್ವೊನು ಮೂಲ ಆಕರವಾದ್ ಗಲಸ್ದೆರ್.  ಮೂಲ ಮಹಾಭಾರತದ ಪುನರ್ ಸೃಷ್ಟಿಯೇ ತುಳು ಮಹಾಭಾರತ. ಕವಿ ಉಂದೆಟ್ ತುಳುನಾಡ್ ದ ಭಾಷಾ ಸಂಸ್ಕೃತಿ ಅಂಚೆನೆ ಪಾಕ ಒತ್ತುಕತೆಕುಲೆನ್ ಸ್ವತಂತ್ರವಾದ್ ಮೊಡೆದೆರ್. ಈತ್ ಪೂರಾ ತುಳುಟು ಸಾಹಿತ್ಯ ಸಂಸ್ಕೃತಿ ಇತ್ತ್ಂಡಲಾ, ಪ್ರಭುತ್ವದ ಶಕ್ತಿ ತಿಕ್ಕಂದಿನಪಗ ಒಂಜಿ ಭಾಷೆ ವಾ ಮಟ್ಟೊಗು ಸೊರಗ್ ದ್ ಪೋಪುಂಡು ಪನ್ಪಿನೆಕ್ಕ್ ತುಳುವೇ ಸಾಕ್ಷಿ’ ಪನ್ದ್ ಆರ್ ಪನ್ಡೆರ್.