Last updated on October 15th, 2024 at 07:59 am
ಕಡಲಕರೆತ ಲೇಖಕಿಲೆನ ಸಂಘ ಸಂಜೀವಿನಿ ನಾರಾಯಣ ಅಡ್ಯಂತಾಯ ಮೆರೆನ ನೆಂಪುಗು ಕೊರ್ಪಿನ 2024ನೇ ವರ್ಸದ “ಸಂಜೀವಿನಿ” ದತ್ತಿನಿಧಿ ಪ್ರಶಸ್ತಿನ್ ಒಡಿಪು ಜಿಲ್ಲೆದ ಕಾರ್ಲದ ಅಡ್ವೆದ ಅಪ್ಪಿ ಕೊರಗ ಮೆರೆಗ್ ಕೊರ್ತೆರ್.
ಈ ಪ್ರಶಸ್ತಿಡ್ 5000 ರೂ ಪನವು ಅಂಚೆನೊ ಪ್ರಶಸ್ತಿ ಪತ್ರ ಉಂಡು. ಕುಟುಂಬೊಲೆಗ್ ಸಂಜೀವಿನಿ ಆಪಿನ ಅಪ್ಪೆಲ್ಲೆನ್ ಈ ಪ್ರಶಸ್ತಿಗ್ ಅಜಪುವೆರ್.
ಕೊರಗ ಸಮುದಾಯೊಡು ಪುಟ್ಟುದು ತನ್ನ 5 ಜೋಕುಲೆಗ್ ಉನ್ನತ ವಿದ್ಯಾಭ್ಯಾಸ ಕೊರ್ದು ಸಮಾಜೊಗು ಮಾದರಿಯಾದುಲ್ಲೆರ್. ಮೆರೆನ ಕಡೀರ ಮಗನ್ ಕೊರಗ ಸಮುದಾಯದ ಸುರುತ ಇಂಜಿನಿಯರ್ ಮಲ್ಪಾಯಿನ ಪೆರ್ಮೆ ಮೆರೆನವು. ಅಕ್ಟೋಬರ್ 27ತ್ತ ಕಾಂಡೆ 10 ಗಂಟೆಗ್ ಉರ್ವಸ್ಟೋರ್ “ಸಾಹಿತ್ಯ ಸದನ” ಸಭಾಂಗಣೊಟು ಪ್ರಶಸ್ತಿ ಪ್ರಧಾನ ಲೇಸ್ ನಡಪರೆ ಉಂಡು.