ಬಾಲಕೃಷ್ಣ ಪೂಜಾರಿನ್ ಕೆರ್ತಿನ ಕೇಸ್ – ಆರೋಪಿ ದಿಲೀಪ್ ಹೆಗ್ಡೆಗ್ ನ್ಯಾಯಾಂಗ ಬಂಧನ

Last updated on October 29th, 2024 at 07:27 am

ಕಾರ್ಲ : ಕರಿನ ಒಂತೆ ದಿನೊತ ಪಿರವು ಕಾರ್ಲ ತಾಲೂಕುದ ಅಜೆಕಾರ್ ಡ್ ನಡತಿನ ಬಾಲಕೃಷ್ಣ ಪೂಜಾರಿ ಮೆರೆನ್ ಕೆರ್ತಿನ ಪ್ರಕರಣದ ಆರೋಪಿಯಾಯಿನ ದಿಲೀಪ್ ಹೆಗ್ಡೆಗ್ ನ್ಯಾಯಾಂಗ ಬಂಧನ ಆತ್ಂಡ್.

ಸೋಮಾರ (ಅ 28) ವಿಚಾರಣೆ ಮಲ್ತಿನ ಕಾರ್ಲ ತಾಲೂಕು ನ್ಯಾಯಾಲಯದ ನ್ಯಾಯಾಧೀಶೆರ್ ಆರೋಪಿ ದಿಲೀಪ್ ಹೆಗ್ಡೆಗ್ ನವೆಂಬರ್ 7 ತಾರೀಕೇ ಮುಟ್ಟ ನ್ಯಾಯಾಂಗ ಬಂಧನ ಕೊರ್ತೆರ್. ಸುರುಟು ದಿಲೀಪ್ ನ್ 3 ದಿನ ಪೊಲೀಸ್ ಕಸ್ಟಡಿಗ್ ಕೊರ್ದಿತ್ತೆರ್. ಪ್ರತಿಮಾಗ್ ಇತ್ತೆ ನ್ಯಾಯಾಂಗ ಬಂಧನ ಆದ್ ಪೆರಿಯಡ್ಕ ಸಬ್ ಜೈಲ್ ಡ್ ಉಲ್ಲೆರ್ ಪನ್ದ್ ತೆರಿದ್ ಬೈದ್ಂಡ್.

ಅಜೆಕಾರ್ ದ ಬಾಲಕೃಷ್ಣ ಪೂಜಾರಿ ಮೆರೆನ್ ಅರೆನ ಬೊಡೆದಿ ಪ್ರತಿಮಾ ಬೊಕ್ಕ ಅಲೆನ ಚಂಗಯಿ ದಿಲೀಪ್ ಹೆಗ್ಡೆ ಬೇಪು ಪಾಡ್ದ್ ಹತ್ಯೆ ಮಲ್ದಿತ್ತೆರ್. ಕಂಡನನ ವನಸ್ ಗ್ ದಿನಾಲ ಒಂತೊಂತೆ ವಿಷ ಪಾಡ್ದ್ ಬೊಡೆದಿ ಕೊರೊಂದಿತ್ತೊಲು. ಅ 20 ದಾನಿ ಇರ್ವೆರ್ಲಾ ಸೇರ್ದ್ ಜೆತ್ತಿತ್ತಿನ ಬಾಲಕೃಷ್ಣೆರ್ನ ಮೋನೆಗ್ ಊಂದು ದೀದ್ ಕೆರ್ತೆರ್.