ಮಾಜಿ ಶಾಸಕೆ ಮೊಯಿದೀನ್ ಬಾವೆರೆನ ಪಲಯೆ ಮಿಸ್ಸಿಂಗ್.., ಕಾರ್ ಕೂಳೂರು ಸಂಕೊಡು ತಿಕ್ಕ್ಂಡ್, ಮೊಬೈಲ್ ಸ್ವಿಚ್ ಆಫ್..!!

Last updated on October 6th, 2024 at 11:59 am

ಕುಡ್ಲ: ಮಾಜಿ ಶಾಸಕೆ, ರಾಜಕಿಯ ನಾಯಕೆ  ಮೊಯಿದೀನ್ ಬಾವಾ ಮೆರೆನ ಪಲಯೆ ಮುಮ್ತಾಜ್ ಅಲಿ  ಸನಿಯಾರ ರಾತ್ರೆರ್ದ್ ತೋಜೊಂದಿಜ್ಜೆರ್.

ಆರೆನ ಲಕ್ಸುರಿ ಕಾರ್ ಕೂಳೂರು ಸಂಕೊಡು ಎಡ್ತಿನ ಸ್ಥಿತಿಟ್ ತಿಕ್ಕ್‌ದ್ಂಡ್. ಜಾಗೆಗ್ ಪೆರಿಯ ಪೊಲೀಸ್ ಅಧಿಕಾರಿಲು ಬತ್ತಿತ್ತ್‌ದ್ ಪರಿಶೀಲನೆ ಮಲ್ತೊಂದುಲ್ಲೆರ್. ಪೊಲೀಸ್ ಅಂಚೆನೇ ಅಗ್ನಿಶಾಮಕ ದಳೊತಕೂಲು ಸುದೆಟ್ ನಾಡೊಂದುಲ್ಲೆರ್. ಮುಮ್ತಾಜ್ ಅಲಿ ಬುಡೊಂದಿತ್ತಿನ  ಬಿಎಂಡಬ್ಲ್ಯೂ ಕಾರ್ ಸಂಕೊದ ಮಿತ್ತ್ ಎದುರು ಪುಡೆ ಞಕ್ಕೆ ಆತಿನ ಸ್ಥಿತಿಟ್ ತಿಕ್ಕ್‌ದ್ಂಡ್. ಆರೆನ  ಮೊಬೈಲ್ ಫೋನ್ ಸ್ವಿಚ್ ಆಫ್ ಆತ್ಂಡ್. ಉದ್ಯಮಿಯಾದುಪ್ಪುನ ಮುಮ್ತಾಜ್ ಅಲಿ ಪುಗರ್ತೆದ ಮಿಸ್ಬಾ ಸಮೂಹ ಶಿಕ್ಷಣ ಸಂಸ್ಥೆಲು ಆರೆನ ಪುದರ್‌ಡ್ ಉಲ್ಲ. ಆರ್ ತೋಜಂದೆ ಆತಿನ, ಕಾರ್ ಎಡ್ತೆದ ಸ್ಥಿತಿಟ್ ಇಪ್ಪುನ ದಿಸೆಟ್ ಪೊಲೀಸೆರ್ ಪ್ರಕರಣ ದಾಕಲ್ತೊಂದು ಜಡ್ತೆ ಸುರು ಮಲ್ದೆರ್.