ತುಳುನಾಡ್‌ಗ್ ಬರ್ಪುಂಡಾ ಕೇಂದ್ರದ ಏಕಲವ್ಯ ಶಾಲೆ?

Last updated on October 22nd, 2024 at 09:24 am

ಪರಿಶಿಷ್ಟ ಪಂಗಡದ ಜೋಕುಲೆಗ್ ಎಡ್ಡೆಂತಿನ ಶಿಕ್ಷಣ ಕೊರ್ರೆ ಉಪ್ಪುನ ಕೇಂದ್ರ ಸರಕಾರದ ವಿಶೇಷ ಯೋಜನೆ “ಏಕಲವ್ಯ ಮಾದರಿ ವಸತಿ ಶಾಲೆ”ನ್ ತುಳುನಾಡ್‌ಡ್ ಮಲ್ಪುನ ಬೇಲೆ ಆವೊಂದುಂಡು.

ಜವಾಹರ್ ನವೋದಯ ವಿದ್ಯಾಲಯದ ಲೆಕ್ಕನೇ ವಿದ್ಯಾರ್ಥಿಲೆಗ್ ಉಚಿತ ವಸತಿ ಶಿಕ್ಷಣ ಮುಲ್ಪ ತಿಕ್ಕುಂಡು. ಸದ್ಯೊಗು ಕರ್ನಾಟಕದ 12 ಜಿಲ್ಲೆಲೆಡ್ ಮಾತ್ರ ಏಕಲವ್ಯ ಮಾದರಿ ವಸತಿ ಶಾಲೆಲು ಉಲ್ಲ. ಪರಿಶಿಷ್ಟ ಪಂಗಡೊಗು ಸೇರ್ದಿನ ಜೋಕುಲೆಗ್ ಮಾತ್ರ ಮುಲ್ಪ ಕಲ್ಪರೆ ಅವಕಾಶ. 6ರ್ದ್ 12ನೇ ಕ್ಲಾಸ್ ಮುಟ್ಟ ಸಿಬಿಎಸ್‌ಸಿ ಕ್ಲಾಸುಲು ಮುಲ್ಪ ಉಪ್ಪುವ.

ಬೊಲ್ತೇರ್, ಕಡಬ ಇಜಿಂಡ ಮುಲ್ಕಿಡ್ ಗ್ರಾಮಾಂತರ ಜಾಗೆಲೆಡ್ ಈ ಶಾಲೆ ಮಲ್ಪರೆ ಸೂಕ್ತ ಜಾಗ ತೂವರೆ ಸಂಸದೆರಾಯಿನ ಬ್ರಿಜೇಶ್ ಚೌಟೆರ್ ಜಿಲ್ಲಾಡಳಿತೊಗು ನಿರ್ದೇಶನ ಕೊರ್ತೆರ್. ಅಂಚಾದ್ 15 ಎಕ್ರೆ ಜಾಗ ತೂವರೆ ಕುಡ್ಲ ಅಂಚೆನೆ ಪುತ್ತೂರುದ ಉಪ ವಿಭಾಗೊಲೆನ ಆಯುಕ್ತೆರೆಗ್ ತೆರಿಪಾದ್ಂಡ್.