Last updated on October 17th, 2024 at 12:04 pm
ಗುತ್ತಿಗಾರ್: ಮಡಪ್ಪಾಡಿ ಗ್ರಾಮೊದ ನಡುಬೊಟ್ಟುಡು ಸಮಗಟ್ಟ್‌ದ ಸಾದಿದಾಂತಿನೆರ್ದಾವರ ಉಸಾರಿಜ್ಜಂದಿನ ಪ್ರಾಯೊದಾರೆನ್ ಒರ್ಯನ್ ಕುರ್ಚಿಡ್ ಕುಲ್ಲಾದ್ ದೆರ್ತೊಂದು ಆಸ್ಪತ್ರೆಗ್ ಲೆತೊಂದು ಪೋತೆರ್.
ಈ ಭಾಗೊಡು ಸುಮಾರ್ ಪದಿನಾಲ್ ಇಲ್ಲ್‌ಲ್ ಇತ್ತ್‌ದ್, ಐಕ್ಲೆನ್ ಸಂಪರ್ಕೊಗು ಇಪ್ಪುನ ಮಣ್ಣ ಸಾದಿ ಅಲಕ್ಕ ಕಂಡ ಆತ್ಂಡ್. ಅಂಚಾದ್ ಒವ್ವೇ ಗಾಡಿಲೆನ ಡ್ರೈವರ್‌ನಕುಲು ಇಡೆ ಬರ್ರ ಕೇನುಜೆರ್. ಈ ರೋಡ್‌ಡ್ ಮಲ್ಲ ಮಲ್ಲ ಗುರಿಕುಲಿಪ್ಪುನೆರ್ದಾವರ ಅರೆಗಾಲೊಡು ಮಾತ್ರ ಜೀಪ್, ಪಿಕಪ್‌‌ಲು ಮಾತ್ರ ಪೋಪ.
ಮರ್ಯಾಲಡ್ ವಾ ಗಾಡಿಲುಲಾ ಪೋವಂದಿನ ಪರಿಸ್ಥಿತಿ ಉಂಡು. ಅಂಚಾದ್ ಮಾತಾ ರೀತಿದ ಬುಲೆ ಅಂಚೆನೇ ಇಲ್ಲ ಗಲಕೆದ ಸಾಮಾನ್‌ಲೆನ್ ತುಂಬೊಂದೇ ಪೋವೊಡಾಪುಂಡು.
ಜನಪ್ರತಿನಿಧಿಲು ನನ ಆಂಡಲಾ ಇಂಚಿ ನಿಲ್ಕ್‌ದ್ ಬೋಡಾಪಿನ ವ್ಯವಸ್ಥೆ ಮಲ್ತ್‌ದ್ ಈ ಭಾಗೊದ ಜನೊಕ್ಲೆನ ಬಂಙೊಗು ಒಂಜಿ ಸಾದಿ ಮಲ್ತ್ ಕೊರೊಡು ಪಂದ್ ಈ ಭಾಗೊದ ಜನೊಕುಲು ಕಾತೊಂದುಲ್ಲೆರ್.