Last updated on October 14th, 2024 at 12:06 pm
ಒಡಿಪು : ಮಲ್ಪೆಡ್ ಅಕ್ರಮವಾದ್ ಇತ್ತಿನ ಬಾಂಗ್ಲಾದೇಶದಕಲೆನ್ ಪೋಲೀಸೆರ್ ಅರೆಸ್ಟ್ ಮಲ್ದೆರ್. ಮೀನುಗಾರಿಕೆದ ಬೇಲೆಗ್ ಬೈದಿತ್ತಿನ ಮಹಮ್ಮದ್ ಮಾಣಿಕ್ ಪನ್ಪಿನಾಯೆ ಕುಡ್ಲ ಅಂತರಾಷ್ಟ್ರೀಯ ಇಮಾನ ಉಂತಡೆರ್ದ್ ದುಬೈಗ್ ಪೋವರೆ ಪುನೆಪು ಬನ್ನಗ ಉ್ಂಬೆ ಬಾಂಗ್ಲಾದೇಶದಾಯೆ ಪನ್ದ್ ತೆರಿದ್ ಬೈದ್ಂಡ್.
ಉಂಬ್ಯನ್ ಜಡ್ತೆ ಮಲ್ಪುನಗ ಕುಡ ಪಾಕ ಜನ ಮಲ್ಪೆಡ್ ಉಪ್ಪುನ ತೆರಿದ್ ಬತ್ತ್ಂಡ್. ಹಕೀಂ ಅಲಿ, ಸುಜೋನ್, ಇಸ್ಮಾಯಿಲ್, ಕರೀಂ, ಸಲಾಂ, ರಾಜಿಕುಲ್, ಮೊಹಮ್ಮದ್ ಸೋಜೀಬ್, ಕಾಜೋಲ್, ಉಸ್ಮಾನ್ ಪನ್ಪಿನಕಲೆನ್ ಮಲ್ಪೆಡ್ ಅರೆಸ್ಟ್ ಮಲ್ದೆರ್ ಪನ್ದ್ ತೆರಿದ್ ಬೈದ್ಂಡ್.
ಮೊಕುಲು ನಕಲಿ ಭಾರತೀಯ ದಾಖಲೆಲೆನ್ ಉಂಡು ಮಲ್ತ್ ಮುಲ್ಪ ಬೇಲೆಗ್ ತಾಗೊಂದಿತ್ತೆರ್ ಪನ್ದ್ ತೆರಿದ್ ಬೈದ್ಂಡ್. ಪಾಸ್ಪೋರ್ಟ್, ಆಧಾರ ಕಾರ್ಡ್ ನಕಲಿ ಒಲ್ತುರ್ದು ಬತ್ತ್ಂಡ್, ಮೊಕುಲು ಎಂಚ ಗಡಿ ಕಡತ್ ಬೈದೆರ್ ಪನ್ದ್ ತನಿಖೆ ನಡತೊಂದುಂಡು. ಇತ್ತೆ ಈ ಆರೋಪಿಲು ಪೋಲೀಸ್ ಕಸ್ಟಡಿಡ್ ಉಲ್ಲೆರ್. ನ್ಯಾಯಂತಡೆಕ್ ಬೇಗೊನೇ ವರದಿ ಪೋವರೆ ಉಂಡು.