Last updated on October 17th, 2024 at 06:41 pm
ಮಲ್ಪೆ: ಶಿರೂರು ದುರಂತೊಡು ಕೇರಳದ ಲಾರಿ ಡ್ರೈವರ್ ಅರ್ಜುನ್‌ನ ಪುನ ನಾಡುನೆಟ್ ಮಲ್ಲ ಸಾಕಾರ ಮಲ್ದಿನ ಈಶ್ವರ್ ಮಲ್ಪೆ ಮೆರೆನ ಇರ್ವೆರ್ ಜೋಕುಲೆಗ್ ನನ ಕೇರಳಡ್ ಮರ್ದ್ ನಡತೊಂದುಂಡು.
ಈಶ್ವರ್ ಮಲ್ಪೆರೆನ ಇರ್ವೆರ್ ಜೋಕುಲು ಕಾರ್ತಿಕ್‌ (23) ಬೊಕ್ಕ ಬ್ರಾಹ್ಮಿ (7) ಉಸಾರ್‌ದಾಂತೆ, ಮರ್ದ್‌ಗ್ ಲಕ್ಷಗಟ್ಲೆ ಕಾಸ್ ಕರ್ಚಿ ಮನ್ಪೊಡಾಪುಂಡು. ಇತ್ತೆ ಆರೆನ ಇರ್ವೆರ್ ಜೋಕುಲೆನ ಮರ್ದ್‌ನ್ ದರ್ಮೊಗು ಮಲ್ಪುನ ಪಂದ್ ಕೇರಳ ರಾಜ್ಯೊದ ಸಂಘ, ಸಂಸ್ಥೆದಕುಲು ದುಂಬು ಬತ್ತಿತ್ತ್‌ದ್, ಕೇರಳದ ಕೋಳಿಕ್ಕೋಡ್‌ದ ಮಲ್ಟಿ ಸ್ಪೆಶಾಲಿಟಿ ಮೈತ್ರಿ ಆಸ್ಪತ್ರೆಡ್ ದಾಕಲ್ತ್‌ದೆರ್.
ಆಸ್ಪತ್ರೆಡ್ ಜೋಕುಲೆನ ಮರ್ದ್ ನಡತೊಂದಿತ್ತ್‌ದ್, ಗುಣ ಆಪಿನ ನಂಬಿಕೆ ಉಂಡು. ಏತೇ ಕರ್ಚಾಂಡಲಾ ಎಂಕ್ಲು ತೂವೊನುವ ಪಂದ್ ಅಲ್ಪದ ಸಂಘ ಸಂಸ್ಥೆದಕುಲು ಅಭಿಮಾನ ತೋಜಾದೆರ್ ಪಂದ್ ಈಶ್ವರ್ ತೆರಿಪಾದೆರ್. ತುಳುನಾಡ್‌ದ ಪಾಕ ಸಂಘ ಸಂಸ್ಥೆದಕುಲ್ಲಾ, ಸಾರ್ವಜನಿಕರ್ಲಾ ಪಾಕ ಸಹಕಾರ ಕೊರ್ತೆರ್. ಆಂಡ ಸರಕಾರೊರ್ದು ದಾಲ ಸಕಾಯ ತಿಕ್ಕ್‌ದಿಜಿ. ಜೋಕುಲೆನ ಮರ್ದ್‌ಗ್ ಇತ್ತೆ ಕೇರಳಡ್ ಉಲ್ಲೆ ಪಂದ್ ಈಶ್ವರ್ ತೆರಿಪಾದೆರ್.