Last updated on October 22nd, 2024 at 08:02 pm
ಕಡಬ: ಆಲಂಗಾರ್ ಪರಿಸರೊಡು ಅ.22 ದಾನಿ ಕಾಂಡೆ ಚಿಟ್ಟೆಪಿಲಿತ ಪಜ್ಜೆ ತೋಜಿದ್ ಬತ್ತಿತ್ತ್‌ದ್ ಅಲ್ಪದಕುಲು ಪೋಡಿಗೆಡ್ ಉಲ್ಲೆರ್.
ನೆಕ್ಕಿಲಾಡಿ ಬೈಲ್ ನೈಯಲ್ಗ ನಿವಾಸಿ ಜನಾರ್ದನ ಬಂಗೇರ ಪನ್ಪಿನಾರೆನ ಇಲ್ಲದ ಮುಟ್ಟಡೇ ಕಾಂಡೆ ಚಿಟ್ಟೆಪಿಲಿ ತೋಜಿದ್ ಬತ್ತ್‌ದ್ಂಡ್ ಪಂದ್ ಸುದ್ದಿ ತಿಕ್ಕ್‌ದಿತ್ತ್‌ದ್, ಅಪಗನೇ ಆರ್ ಅರಣ್ಯ ಇಲಾಖೆಗ್ ಒಲವು ಕೊರ್ತೆರ್. ಜಾಗೆಗ್ ಉಪ ವಲಯ ಅರಣ್ಯಾಧಿಕಾರಿ ಜಯಕುಮಾರ್, ಗಸ್ತು ಅರಣ್ಯ ಪಾಲಕೆ ರವಿಕುಮಾರ್ ಬತ್ತ್‌ದ್ ಪರಿಶೀಲನೆ ಮಲ್ದೆರ್.
ಅಲ್ಪ ತಿಕ್ಕಿನ ಕಾಡಮುರ್ಗೊದ ಪಜ್ಜೆದ ಗುರ್ತ ಚಿಟ್ಟೆಪಿಲಿತನಾ ಅತ್ತ್ ಪಿಲಿತನಾ ಪನ್ಪಿನ ಪರಿಶೀಲನೆರ್ದ್ ಬೊಕ್ಕ ತೆರಿದ್ ಬರೊಡಾತೆ ಪಂಡ್‌ದ್ ಅರಣ್ಯ ಅಧಿಕಾರಿಲು ತೆರಿಪಾದೆರ್.