Last updated on October 5th, 2024 at 11:25 am
ಬಂಟ್ವಾಳ: ಜಿಲ್ಲಾಧಿಕಾರಿಲೆನ ಆದೇಶದಂಚ ಬಂಟ್ವಾಳ ತಾಲೂಕ್‌ದ ತುಂಬೆ, ಮಾರಿಪಳ್ಳ ಭಾಗೊದ ನೇತ್ರಾವತಿ ಸುದೆಟ್ ಬೋಟ್‌‌ಡ್(ಮಲ್ಲ ಓಡ) ದೆತ್ತೊಂದಿತ್ತಿನ ಅಕ್ರಮ ಪೊಯ್ಯೆದ ಅಡ್ಡೆಗ್ ಶುಕ್ರವಾರ ಜಿಲ್ಲಾ ಗಣಿ ಬೊಕ್ಕ ಭೂ ವಿಜ್ಞಾನ ಇಲಾಖೆ ಅಂಚೆನೇ ಬಂಟ್ವಾಳ ಕಂದಾಯ ಇಲಾಖೆದ ಅಧಿಕಾರಿಲೆನ ಕೂಟ ದಾಳಿ ಮಲ್ತಿತ್ತ್‌ದ್ ಒಟ್ಟು 20 ಬೋಟ್‌ಲೆನ್ ವಶೊಕು ಗೆತೊಂದೆರ್. ಅಧಿಕಾರಿಲೆನ ದಾಳಿದ ಪೊರ್ತುಡು ಪೊಯ್ಯೆ ದೆತ್ತೊಂದಿತ್ತಿನ ಕಾರ್ಮಿಕೆರ್ ಪದ್ರಾಡಾತೆರ್.
ವಶೊಕು ಗೆತೊಂದಿನ ಬೋಟ್‌ಲೆನ್ 4ತ ಜೋಡ್ಯಾದ್ 5 ಕೂಟೊಡು ಸುದೆಟೇ ಅಡ್ಯಾರ್‌ ಮುಟ್ಟ ಕೊನೊದು ಗಣಿ ಬೊಕ್ಕ ಭೂ ವಿಜ್ಞಾನ ಇಲಾಖೆದ ವಶಕ್ಕೆ ಒಪ್ಯಾದೆರ್. ಬೋಟ್‌‌ಲೆಡ್ ಒವ್ವೇ ರೀತಿಯ ಪೊಯ್ಯೆ ತಿಕ್ಕ್‌ದಿಜಿ. ಪೊಯ್ಯೆ ದೆತ್ತೊಂದಿತ್ತಿನಕುಲು ಏರ್, ಬೋಟ್‌ಲು ಏರೆನವು ಪನ್ಪಿನೆಕ್ ಅಧಿಕಾರಿಲೆನ ಜಡ್ತೆರ್ದ್ ಬೊಕ್ಕನೇ ಸದು ತಿಕ್ಕೊಡಾತೆ.