Last updated on October 5th, 2024 at 09:20 am
ಉಪ್ಪುಂದ: ಉಪ್ಪುಂದ ಗ್ರಾಮ ಪಂಚಾಯಿತಿ ಸೀಮೆಡ್ ಮೆಡಿಕಲ್‌ ಬೊಕ್ಕ ಕರ್ಕಿಕಳಿ ಭಾಗೊಡು ಶಂಕಿತ ಕಾಲರಾ ರೋಗ ತೋಜಿದ್ ಬತ್ತಿತ್ತ್‌ದ್ 200ರ್ದ್‌ಲಾ ಎಚ್ಚ ಜನ ಉಸಾರ್‌ತತ್ತಿನೆರ್ದಾವರ ತಹಶೀಲ್ದಾರ್‌ ಪ್ರದೀಪ್‌ ಬೊಕ್ಕ ಆರೋಗ್ಯ ಇಲಾಖೆ ಅಧಿಕಾರಿಲು ಬತ್ತ್‌ದ್ ಪರಿಶೀಲನೆ ಮಲ್ದೆರ್.
ಗ್ರಾಮ ಪಂಚಾಯತ್‌ರ್‌ದ್ ಬರೊಂದಿತ್ತಿನ ಪರ್ಪಿನ ನೀರ್‌ಡ್ ಈ ರೋಗೊಗು ನೆನವ ಪಂದ್ ಜನೊಕುಲು ಎನ್ನೊಂದುಪ್ಪುನ ಪೊರ್ತುಡು ಆ ನೀರ್‌ದ ಸ್ಯಾಂಪಲ್‌ನ್ ಪರೀಕ್ಷೆಗ್ ಕಡಪುಡುದು, ಅವೆತ ವರದಿದ ಮಿತ್ತ್ ಕ್ರಮ ಗೆತೊನುವ ಪಂಡ್‌ದ್ ಅಧಿಕಾರಿಲು ತೆರಿಪಾಯೆರ್. ತಾ.ಪಂ. ಕಾರ್ಯನಿರ್ವಹಣಾಧಿಕಾರಿ ಭಾರತಿ, ತಾಲೂಕು ವೈದ್ಯಾಧಿಕಾರಿ ಡಾ| ರಾಜೇಶ್‌ ಮೊಕುಲು ಇತ್ತೆರ್.
ಆರೋಗ್ಯ ಅಧಿಕಾರಿಲೆನ ಪ್ರಕಾರ ಸುರೂಟು ನೀರ್‌ರ್ದ್ ಆರೋಗ್ಯ ಸಮಸ್ಯೆ ಜನೊಕ್ಲೆಡ ತೋಜಿದ್ ಬತ್ತಿತ್ತ್‌ದ್, ಬೊಕ್ಕ ಒರ್ಯರ್ದ್ ಒರ್ಯಗ್ ಪಗರೊಂದು ಪೋಪುಂಡು. ಸುಮಾರ್ 145 ಜನ ಮರ್ದ್ ಗೆತೊಂದು ಉಸಾರಾದಿತ್ತ್‌ದ್, ಕುಂದಾಪುರ ಸರಕಾರಿ ಆಸ್ಪತ್ರೆಡ್ ಅಂಚೆನೇ ಬೈಂದೂರ್‌ಡ್‌ ರಡ್ಡ್ ಕಡೆಟ್ಲಾ ಮೂವೆರೆಗ್ ಮರ್ದ್ ನಡತೊಂದುಂಡು. ಒಂತೆ ಜನ ಖಾಸಗಿ ಆಸ್ಪತ್ರೆಲೆಡ್ ಅಂಚೆನೇ ಒಂತೆ ಜನ ಇಲ್ಲಡೇ ಬೈದ್ಯ ಮಲ್ತೊಂದೆರ್. ಒವ್ವೇ ಗಾತಿದ ಪ್ರಕರಣ ಇಜ್ಜಿ ಪಂದ್ ತೆರಿದ್ ಬೈದ್ಂಡ್.