Last updated on October 30th, 2024 at 04:56 pm
ಕುಡ್ಲ: ಪಿಲಿಕುಳ ನಿಸರ್ಗಧಾಮೊದ ಟಿಕೆಟ್ ಕೌಂಟರ್‌ದಲ್ಪ ನಡತಿನ ಅಗ್ನಿ ಅವಘಡೊಟು, ರಡ್ಡ್ ಎಲೆಕ್ಟ್ರಿಕ್ ಗಾಡಿಲು ಪೊತ್ತುದ್ ಪೋತಿನ ನಡಕೆ ಬುದಾರ ಕಾಂಡೆ ನಡತ್ಂಡ್.
ಮುಲ್ಪದ ವರ್ಕ್‌ಶಾಪ್‌ಡ್ ಚಾರ್ಜ್‌ಗ್ ದೀದಿತ್ತಿನ ಒಂಜಿ ಎಲೆಕ್ಟ್ರಿಕ್ ಗಾಡಿಡ್ ಸ್ಪಾರ್ಕ್‌ರ್ದಾವರ ಸೂ ಪತೊಂದುಂಡು, ಒಟ್ಟು ರಡ್ಡ್ ಗಾಡಿಲು ಅಲಕ್ಕ ಪೊತ್ತುದು ಪೋತ. ಪಾರ್ಕಿಂಗ್ ಜಾಗೆಡ್ ಪತ್ತೆರ್ದ್‌ಲಾ ಎಚ್ಚ ಬಗ್ಗಿ ಎಲೆಕ್ಟ್ರಿಕ್ ಗಾಡಿಲು ಇತ್ತ ಪಂದ್ ತೆರಿದ್ ಬೈದ್ಂಡ್. ಆಂಡ ದೇವೆರೆ ದಯೆಟ್ ಮಲ್ಲ ಅನಾಹುತ ತತ್ತ್‌ದ್ಂಡ್.
ರಡ್ಡ್ ಗಾಡಿಲು ಪೊತ್ತೊಂದಿತ್ತ್ಂಡಲಾ ಕದ್ರಿ ಅಗ್ನಿ ಶಾಮಕ ದಳ ಪೊರ್ತುದ ಉಲಯಿ ಜಾಗೆಗ್ ಬತ್ತ್‌ದಿಜೆರ್ ಪನ್ಪಿ ಆರೋಪ ಕೇಂದ್ ಬರೊಂದುಂಡು. ಅಂಚಾದ್ ಪಿಲಿಕುಳದ ಸಿಬ್ಬಂದಿಲೇ ಸೇರ್ದ್ ಸೂ ತೆಕ್ಕಾವುನ ಬೇಲೆಗ್ ಜತ್ತ್‌ದೆರ್. ಕಡೇಕ್ ಅರ್ಧ ಗಂಟೆ ತೈರ್‌ದ್ ಕದ್ರಿ ಅಗ್ನಿ ಶಾಮಕ ದಳೊತಕುಲು ಬತ್ತ್‌ದ್ ಸೂ ತೆಕ್ಕಾದೆರ್.
ಜಾಗೆಗ್ ಕಾವೂರು, ಕುಡ್ಲ ಗ್ರಾಮಾಂತರ ಪೊಲೀಸೆರ್ ಬತ್ತ್‌ದ್ ಪರಿಶೀಲನೆ ಮಲ್ದೆರ್.