ಒಡಿಪು : ಬಾಂಗ್ಲಾದೇಶದ ಅಕ್ರಮ ವಲಸೆದ ಕೇಸ್, ಕಾರ್ಮಿಕೆರೆನ ಒಲವು ಒಟ್ಟು ಪಾಡೊಂದಿಪ್ಪುನ ಪೋಲೀಸೆರ್

Last updated on October 17th, 2024 at 01:37 pm

ಇಂಚಪ್ಪೊಗು ಮಲ್ಪೆಡ್ 7 ಜನ ಬಾಂಗ್ಲಾದೇಶದ ಅಕ್ರಮ ವಲಸಿಗೆರೆನ್ ಪೋಲೀಸೆರ್ ಪತ್ತಿಬೊಕ್ಕ ಜಿಲ್ಲಾ ಪೋಲೀಸ್ ಇಲಾಖೆ, ಕರಾವಳಿ ಕಾಪು ಪಡೆ ಭದ್ರತೆದ ವಿಷಯೊಡು ಎಚ್ಚಿ ಕುಡ್ತ್ ಉಂತುದುಂಡು.

ಜಿಲ್ಲೆಡುಪ್ಪುನ ಬಂದರ್ಲೆಡ್, ಅಂಚೆನೆ ಇಲ್ಲ್ ಕಟ್ವಾನದ ಬೇಲೆದಕುಲು, ಫಿಶ್‌ಮಿಲ್‌ಲೆಡ್ ಪೂರಾ ಪಿದಯಿ ರಾಜ್ಯದ ಕಾರ್ಮಿಕೆರ್ ಎಚ್ಚಿನ ಬೇಲೆ ಮಲ್ಪುನಲ್ಪ ದಡೀತ ವಿಚಾರಣೆ ಅಂಚೆನೆ ಒಲವು ಒಟ್ಟು ಪಾಡರೆ ತೊಡಂಗ್‌ದೆರ್.

ತನ್ಕುಲೆ ವ್ಯಾಪ್ತಿಡ್ ಬೇಲೆ ಮಲ್ಪುನ ಪಿದಯಿ ರಾಜ್ಯದ ಕಾರ್ಮಿಕೆರೆನ ಬಗೆಟ್, ಏತ್ ಕಾಲೊರ್ದು ಬೇಲೆ ಮಲ್ತೊಂದುಲ್ಲೆರ್? ಒವ್ ರಾಜ್ಯೊರ್ದು ಬೈದೆರ್? ಅಕಲೆನ್ ಲೆತೊಂದು ಬೈದಿನಕುಲು ಏರ್? ಪನ್ದ್ ತೆರಿಪಾವರೆ ಮಾತಾ ಸಂಸ್ಥೆಲೆಗ್ ಕರಾವಳಿ ಕಾಪು ಪಡೆರ್ದ್ ಸಂದೇಶ ಪೋತುಂಡು.