Last updated on October 10th, 2024 at 07:17 am
ಭಾರತೊದ ಪೆರ್ಮೆದ ಉದ್ಯಮಿ ಅಂಚೆನೇ ಮಧ್ಯಮ ವರ್ಗೊದ ಮೋಕೆದ ರತನ್ ಟಾಟಾ ನನ ನೆಂಪು ಮಾತ್ರ. ರತನ್‌ಟಾಟಾ ಬುದಾರ ರಾತ್ರೆ ತೀರ್ದೆರ್. ಆರ್ ಉಸಾರ್‌ತತ್ತ್‌ದ್ ಆಸ್ಪತ್ರೆಡ್ ಐಸಿಯು ಡ್ ಉಲ್ಲೆರ್ ಪಂಡ್‌ದ್ ಬುದಾರ ಬಯ್ಯಾನಗ ಸುದ್ದಿಯಾದಿತ್ತ್ಂಡ್. ರಾತ್ರೆ ಸುಮಾರ್ 11 ಗಂಟೆದ ಅಂದಾಜಿಗ್ ತೀರ್ದಿನ ಇಸಯ ತೆರಿದ್ಂಡ್.
ರತನ್‌ಟಾಟಾ ಮೇರ್ ಸೋಮಾರ ಮುಂಬೈದ ಬ್ರೀಚ್ ಕ್ಯಾಂಡಿ ಆಸ್ಪತ್ರೆಗ್ ದಾಕಲ್ತ್‌ದಿತ್ತೆರ್. ಸುರೂಟು ಆರ್ ಸಾಮಾನ್ಯ ಆರೋಗ್ಯ ಪರೀಕ್ಷೆ ಮಲ್ಪಾದೆರ್ ಪಂದೇ ಸುದ್ದಿ ಇತ್ತ್ಂಡ್. ಅತ್ತಂದೆ ಆರ್ಲಾ ಯಾನ್ ಉಸಾರುಲ್ಲೆ. ಮಂಡೆಬೆಚ್ಚ ಮನ್ಪೊರ್ಚಿ ಪಂದೇ ಪಂದಿತ್ತೆರ್. ಆಂಡ, ಬುದಾರ ಬಯ್ಯದ ಪೊರ್ತುಗು ಆರೆನ ಆರೋಗ್ಯ ತೆಟ್ಟೊಂದು ಬೈದ್ಂಡ್ ಪನ್ಪಿನ ವರದಿಲು ಬತ್ತಿತ್ತ. ಬುದಾರ ರಾತ್ರೆ ಆರ್ ತೀರ್ದಿರ್‌ನ್ದ್ ಆಸ್ಪತ್ರೆದ ಮೂಲೊಲು ದೃಢ ಮಲ್ತ್‌ದ. ಟಾಟಾ ಗ್ರೂಪ್‌ದ ಗುರ್ಕಾರೆ ರತನ್ ಟಾಟಾರೆಗ್ 86 ವರ್ಸ ಪ್ರಾಯ ಆದಿತ್ತ್ಂಡ್.