Last updated on October 15th, 2024 at 12:22 pm
ಪುತ್ತೂರು: ಇಲ್ಲದಕುಲು ಪ್ರವಾಸೊಗು ಪೋದಿಪ್ಪುನಗ ಕಲ್ವೆರ್ ಇಲ್ಲ್ ಪೊಗ್ಗುದು ಕಂಡ್‌ದಿನ ನಡಕೆ ಕಡಬ ತಾಲೂಕ್‌ದ ಸವಣೂರು ಪನ್ಪಿನಲ್ಪ ನಡತ್‌ದ್ಂಡ್.
ಸವಣೂರು ನಿವಾಸಿ ಸಲೀಂ ಮೇರ್ ತನ್ನ ಬೊಡೆದಿ ಜೋಕುಲೆನೊಟ್ಟುಗು ಕರಿನ ಸುಕ್ರಾರ ಇಲ್ಲಗ್ ತರ್ಕೋಲು ಪಾಡ್ದ್ ಪ್ರವಾಸ ಪೋದಿತ್ತೆರ್. ಪ್ರವಾಸ ಮುಗಿತ್‌ದ್ ಐತಾರ ರಾತ್ರೆ ಇಲ್ಲಗ್ ಪಿರ ಬತ್ತ್‌ದ್ ತೂನಗ ಇಲ್ಲದ ತರ್ಕೋಲು ಪೊಲ್ತ್‌ದ್ ಕಲ್ವೆರ್ ಇಲ್ಲದುಲಯಿ ಪೊಗ್ಗುದಿನ ತೆರಿದ್ ಬೈದ್ಂಡ್. ಉಲಯಿ ಪೋದು ತೂನಗ ಕಪಾಟ್‌ದ ಬಾಕಿಲ್ ಪುಡತ್‌ದ್ ಅವೆಟಿತ್ತಿನ ಬಂಗಾರ್ ಬೊಕ್ಕ ಕಾಸ್ ಲಕ್ಕಾದಿನ ತೆರಿದ್ ಬೈದ್ಂಡ್.
ಕಪಾಟ್‌ಡಿತ್ತಿನ 53 ಗ್ರಾಂ ಬಂಗಾರ್, ಟ್ಯಾಬ್, ಟಿಸೋಟ್ ವಾಚ್ ಅಂಚೆನೇ 30 ಸಾವಿರ ಕಾಸ್ ಕಂಡ್‌ದ್ ಪೋತುಂಡು ಪಂದ್ ಸಲೀಂ ಬೆಳ್ಳಾರೆ ಪೊಲೀಸೆರೆಗ್ ಕೊರ್ತಿನ ಒಯಿಲ್‌ಡ್ ತೆರಿಪಾದೆರ್. ಕೇಸ್ ದಾಕಲ್ತೊಂದಿನ ಬೆಳ್ಳಾರೆ ಪೊಲೀಸೆರ್ ಜಾಗೆಗ್ ಬತ್ತ್‌ದ್ ಪರಿಶೀಲನೆ ಮಲ್ದೆರ್.